1Lokhu kungokwesithathu ukuza kwami kini; izindaba zonke zifanele ukuqiniswa ngemilomo yabofakazi ababili ingabe abathathu.Dute 17:6; 19:15
2Kulabo abonayo ngaphambili lakwabanye futhi ngiyaphinda ukuxwayisa kwami kwesibili, sengikutsho futhi ngingekho ukuthi ekufikeni kwami khathesi kangizukuba lasihawu,
3njengoba lifuna ubufakazi bokuthi uKristu ukhuluma ngami. Yena kabuthakathaka ekuliphatheni kwakhe, kodwa ulamandla phakathi kwenu.
4Ngoba lanxa ebuthakathakeni wabethelwa, kanti uyaphila ngamandla kaNkulunkulu. Lathi sibuthakathaka kuye, kodwa ekuliphatheni kwethu sizakuphila kanye laye ngamandla kaNkulunkulu.
5Zihloleni lina, libone ukuba lisekukholweni yini; zihlolenike. Kanti kalazi hini ukuthi uJesu Kristu ukini na? Uba kungenjalo lingabangafanelanga.
6Ngithemba ukuthi lizakwazi ukuthi thina kasisibo abangafanelanga.
7Sikhuleka kuNkulunkulu ukuba lingenzi lutho olubi, kangitsho ukuthi ukuze sibonakale thina singabafaneleyo, kodwa ukuba lina lenze okulungileyo, loba thina kungathi sinjengabangafanelanga.
8Ngoba kasilamandla okwenza ulutho olumelana leqiniso, kodwa silamandla uba simela iqiniso.
9Siyajabula nxa sibuthakathaka thina, linake lilamandla. Esikukhulekelayo yikupheleliswa kwenu.
10Ngiloba lezizinto ngingekho, ukuze kuthi nxa ngifikayo, ngingabi bukhali ekusebenziseni amandla iNkosi eyanginika wona, abe ngawokwakha, angabi ngawokubhidliza.
Isicino11Elokucinake, bazalwane, salani kuhle; liphelele, lilalele ukuncenga kwami, lizwane, lihlale ngokuthula; uNkulunkulu wothando lowokuthula uzakuba lani.
12Bingelelanani ngokwanga okungcwele. Bonke abangcwele bayalibingelela.
13Umusa weNkosi uJesu Kristu, lothando lukaNkulunkulu, lokuhlanganyela kukaMoya oNgcwele kakube lani lonke.
Who We AreWhat We EelieveWhat We Do
2025 by iamachristian.org,Inc All rights reserved.
