1Lokhu silalezizithembiso, bathandwayo, asizihlambulule kukho konke ukungcola komzimba lokomoya, siphelelise ubungcwele bethu sisesaba iNkosi.
UPawuli ujabuliswa yikufika kukaTitosi2Sivuleleni indawo enhliziyweni zenu; kasonanga muntu, kasonakalisanga muntu, kasidlanga muntu.
3Kangitsho lokhu ngokulilahla; ngoba ngatsho ngaphambili ukuthi lisenhliziyweni zethu; loba sisifa loba siphila, sikanye.
4Ngiyalithemba kakhulu, ngiyaziqhenya ngani; yinkulu induduzo yami; phakathi kwazo zonke inhlupheko zethu ngilentokozo enkulu.
5Lasekufikeni kwethu eMakedoniya kasibanga lakuphumula, kodwa sakhathazeka inxa zonke; ngaphandle kwakukhona ingxabano ezinengi, lasenhliziyweni zethu ukwesaba.2 Kor 2:13
6Kodwa uNkulunkulu oduduza abadanileyo wasiduduza ngokufika kukaTitosi,
7kungesikho ngokufika kwakhe kuphela, kodwa langenduduzo aduduzeka ngayo ngani. Wasilandisela ngokusilangatha kwenu, langokudabuka kwenu, langokutshiseka kwenu ngami, ngaze ngathokoza kakhulu.
8Lanxa ngalidabukisa ngencwadi yami, kangizisoli; loba ngazisola ngokubona ukuthi leyoncwadi yalidabukisa, lanxa ngokwesikhathi nje.
9Kodwa khathesi ngiyathokoza, kungesikho ngokuthi ngoba ladabukiswa, kodwa ngoba laphendulwa ngokudabukiswa; ladabukiswa ngokukaNkulunkulu, ukuze lingalahlekelwa lutho ngokwenza kwethu.
10Ngoba ukudabuka okuthwalwa ngendlela kaNkulunkulu kuletha ukuphenduka angezisole ngakho umuntu, kuveze ukusiliswa; kodwa ukudabuka okuthwalwa ngendlela yomhlaba kuletha ukufa.
11Khangelani, khona lokhokudabukiswa kwenu okungendlela kaNkulunkulu kuveze kini ukukhuthala okungaka, lokuziphendulela, lokuthukuthela, lokwesaba, lokusilangatha, lokutshiseka, lokuthanda ukuba kwenziwe ukulunga. Kukho konke lazibonakalisa ukuthi kalilacala.
12Ngakho lanxa ngalilobela, kangililobelanga ngenxa yalowo owonayo langenxa yalowo owoniwayo, kodwa ukuze ukusitshisekela kwenu kubonakaliswe kini phambi kukaNkulunkulu.
13Ngalokhoke siduduzekile. Kodwa ngaphezu kokududuzeka kwethu sathokoza impela, ikakhulu ngokuthokoza kukaTitosi, ngoba umoya wakhe uzuze ukuthula ngani.
14Ngoba uba ngake ngazincoma ngolutho kuye ngani, kangidaniswanga; kodwa njengoba konke esakukhuluma kini kwaba liqiniso, ngokunjalo ukuzincoma kwethu kuTitosi kwaba liqiniso.
15Ukulithanda kwakhe kukhulu, lapho ekhumbula ukulalela kwenu lonke lokuthi lamamukela ngokwesaba langokuthuthumela.
16Ngiyathokoza, ngoba ngiyalithemba kakhulu.
Who We AreWhat We EelieveWhat We Do
2025 by iamachristian.org,Inc All rights reserved.
