1Ngakhoke, wena mntanami, qina emuseni okuKristu Jesu.
2Lokho okuzwileyo kimi phambi kwabofakazi abanengi kunikele amadoda athembekileyo azakuba lamandla okukufundisa labanye.
3Hlanganyela lami ukuhlupheka njengebutho elihle likaJesu.
4Kakho owebutho osempini olibala ngezinto zabangabuthwanga, ukuba amkholise lowo ombuthileyo.
5Futhi nxa umuntu encintisana labanye, kanikwa umqhele uba engancintisananga ngokomthetho.
6Kungumlimi osebenza kakhulu ofanele ukuba amukele izithelo kuqala.
7Nakana ngengikutshoyo, ngoba iNkosi izakukunika ukuqedisisa ngezinto zonke.
8Khumbula uJesu Kristu ovukileyo kwabafileyo, owenzalo kaDavida ngokwevangeli lami,
9ivangeli engihlupheka ngenxa yalo ngibotshwa njengesigebengu; kanti ilizwi likaNkulunkulu kalibotshwanga.
10Ngakhoke ngikhuthazelele konke ngenxa yabakhethiweyo, ukuze labo bazuze ukusiliswa kuKristu Jesu kanye lobukhosi obungapheliyo.
11Liqinisile lelilizwi elithi:
Uba safa kanye laye, sizakuphila kanye laye futhi;
12uba sabekezela, sizakubusa kanye laye;
uba simphika, laye uzakusiphika;
13uba singathembeki, yena uhlala ethembekile;
ngoba angeziphike.
UTimothi uxwayiswa ngokuphikisana14Ubakhumbuze ngalokho, ubalaye phambi kukaNkulunkulu ukuba baxwaye ukuphikisana ngamazwi; kakusizi lutho, kodwa kuchitha abezwayo.
15Khuthalela ukuba uziveze kuNkulunkulu uthembekile, uyisisebenzi esingelanhloni esiphatha kuhle ilizwi leqiniso.
16Xwaya ukukhuluma okomhlaba okuyize, ngoba abakwenzayo bazakuholelwa phambili ebubini,
17lelizwi labo lizakuhlihla njengesilonda esibhibhidlayo. Phakathi kwabo ngoHimenewo loFileto
18abaduhileyo eqinisweni, besithi ukuvuka kwabafileyo sekudlule, bechitha ukukholwa kwabanye.
19Kodwa isisekelo esiqinileyo sikaNkulunkulu simi silaloluphawu lokuthi: INkosi iyabazi abangabayo; lokuthi: Ilowo lalowo ophatha ibizo leNkosi kahlukane lokungalungi.
20Endlini enkulu kakukho izitsha zegolide lezesiliva kuphela, kodwa kukhona lezesihlahla lezebumba, ezinye zilomsebenzi omkhulu, ezinye zilomsebenzi omncinyane.
21Uba umuntu ezihlambulula ezintweni ezimbi, uzakuba yisitsha esilomsebenzi omkhulu, esenziwe saba ngcwele, esilosizo kumninindlu, esilungiselwe umsebenzi wonke omuhle.
22Ngakho xwaya inkanuko zobutsha, ulandele ukulunga, lokukholwa, lothando, lokuthula kanye labo abakhuleka eNkosini ngenhliziyo emhlophe.
23Ukuphikisana okulobuthutha lokungazi kuxwaye, wazi ukuthi kubanga ukulwa.
24Inceku yeNkosi kayifanele ukulwa, kodwa kayibe mnene kibo bonke, ibe lelisu lokufundisa, ibekezele,
25ibaluleke ngomoya omnene abamelana layo. Kumbe uNkulunkulu angabanika ukuphenduka, baze balazi iqiniso,
26baphaphame baphunyuke emjibileni kaSathane ababanjwe nguye ukuba benze intando yakhe.
Who We AreWhat We EelieveWhat We Do
2025 by iamachristian.org,Inc All rights reserved.
