2 Kho 13 - Ndebele Bible (iBhayibhili Elingcwele) 1978

Ukubusa kukaJehowahazi

1Ngomnyaka wamatshumi amabili lantathu wokubusa kukaJowashi indodana kaAhaziya inkosi yakoJuda uJehowahazi indodana kaJehu waba yinkosi yakolsrayeli eSamariya. Wabusa iminyaka elitshumi lesikhombisa.

2Wenza okubi phambi kweNkosi, walandela izono zikaJerobowamu indodana kaNebati ezenza uIsrayeli one, kazitshiyanga.

3INkosi yamthukuthelela uIsrayeli, yamnikela futhifuthi esandleni sikaHazayeli inkosi yaseSiriya lesandleni sikaBenihadadi indodana kaHazayeli.

4Ujehowahazi wakhuleka eNkosini, iNkosi yamuzwa, ngoba yabona ukuba inkosi yaseSiriya ibacindezela abakoIsrayeli kanjani.

5INkosi yabathumela umkhululi owabakhulula esandleni samaSiriya; abantu bakoIsrayeli bahlala emizini yabo njengakuqala.

6Kodwa kabazitshiyanga izono zendlu kaJerobowamu ezenza uIsrayeli one, baqhubeka kuzo; lensika zikankulunkulukazi uAshera zahlala eSamariya.

7Kwasala kuphela kuJehowahazi impi engamatshumi amahlanu yabagadi bamabhiza, lenqola zokulwa ezilitshumi, labahamba ngenyawo abazinkulungwane ezilitshumi; ngoba inkosi yaseSiriya yayisibabulale bonke, yabenza baba njengothuli olunyathelwa zinyawo.

8Ezinye indaba zikaJehowahazi lakho konke akwenzayo, lobuqhawe bakhe, kulotshiwe ogwalweni lwezindaba zamakhosi akoIsrayeli.

9UJehowahazi waya kwabaphansi, bamngcwabela eSamariya. UJowashi indodana yakhe waba yinkosi esikhundleni sakhe.

Ukubusa kukaJowashi koIsrayeli

10Ngomnyaka wamatshumi amathathu lesikhombisa wokubusa kukaJowashi inkosi yakoJuda uJowashi indodana kaJehowahazi waba yinkosi yakoIsrayeli eSamariya; wabusa iminyaka elitshumi lesithupha.

11Laye wenza okubi phambi kweNkosi, kazitshiyanga zonke izono zikaJerobowamu indodana kaNebati ezenza uIsrayeli one, waqhubeka kuzo.

12Ezinye indaba zikaJowashi lakho konke akwenzayo, lobuqhawe bakhe ekulweni loAmaziya inkosi yakoJuda, kulotshiwe ogwalweni lwezindaba zamakhosi akolsrayeli.

13Ujowashi waya kwabaphansi, uJerobowamu waba yinkosi esikhundleni sakhe. UJowashi wangcwatshelwa eSamariya emakhosini akoIsrayeli.

Ukugula lokufa kukaElisha

14Kwathi uElisha esegula umkhuhlane owambulalayo, uJowashi inkosi yakoIsrayeli waya kuye, wakhala phambi kwakhe esithi: Baba! Baba! nqola yakoIsrayeli lamabhiza ayo!2 Kho 2:12

15UElisha wathi kuye: Thatha umtshoko. Wasethatha umtshoko.

16Wasesithi enkosini yakoIsrayeli: Lungisela ukutshoka. Waselungiselela. UElisha wasebeka izandla zakhe phezu kwezandla zenkosi.

17Wasesithi: Vula iwindi ngasempumalanga. Yalivula. UElisha wasesithi: Tshoka! Yasiwutshoka. Wamemeza wathi: Nanko umtshoko weNkosi uNkulunkulu wokunqoba, ngumtshoko wokunqoba iSiriya. Ngoba uzakulwa lamaSiriya eAfeki uze uwehlule.

18Wasesithi kiyo: Ithathe imitshoko. Yasiyithatha. Wasesithi enkosini yakoIsrayeli: Tshaya ngayo phansi. Yasitshaya ngayo kathathu, yasisima.

19Umuntu kaNkulunkulu wayithukuthelela, wathi: Ngabe utshaye kahlanu kumbe kasithupha, ubuzalahlula iSiriya uze uliqede, kodwa khathesi uzalahlula iSiriya kathathu kuphela.

20UElisha wafa, bamngcwaba. Izimpana zamaMowabi zazihlasela ilizwe iminyaka yonke.

21Abantu abathile babesiyangcwaba umuntu, basebebona impana isiza, bamphosela lowomuntu engcwabeni likaElisha, babaleka, Kwathi esathinta nje amathambo kaElisha wavuka, wema ngenyawo.

22UHazayeli inkosi yaseSiriyayacindezela uIsrayeli insuku zonke zikaJehowahazi.

23Kodwa iNkosi yaba lomusa kibo, yabazwela isihawu, yabakhumbula ngenxa yesivumelwano sayo loAbrahama Iolsaka IoJakobe, kayaze yababhubhisa, kayibaxotshanga ngaphambi kwayo kuze kube lamhla.

24Kwathi uHazayeli inkosi yaseSiriya esefile, uBenihadadi indodana yakhe waba yinkosi esikhundleni sakhe.

25UJowashi indodana kaJehowahazi wathatha futhi imizi uBenihadadi ayeyithathele uJehowahazi uyise empini. UJowashi wamehlula kathathu, wayithatha imizi yakoIsrayeli.