Mark 1 - Ndebele Bible (iBhayibhili Elingcwele) 1978

Ukufika kukaJesu Kristu kuyamenyezelwa nguJohane uMbhaphathizi(Mat 3:1–12; Luka 3:1–17)

1Nanku ukuqala kwevangeli likaJesu Kristu, iNdodana kaNkulunkulu.

2Njengokulotshiweyo kumprofethi uIsaya ukuthi:

Khangela, ngiyasithuma isithunywa sami phambi kwakho

esizakulungisa indlela yakho,

3ilizwi lomemezayo enkangala, lithi:

Lungisani indlela yeNkosi, qondisani indledlana zayo.

4Kwafika uJohane uMbhaphathizi enkangala, etshumayela ubhaphathizo lokuphenduka, kube yikuthethelelwa kwezono.

5Kwaphumela kuye ilizwe lonke laseJudiya labo bonke abaseJerusalema, babhaphathizwa nguye emfuleni iJordani bevuma izono zabo.

6UJohane wayembethe ingubo yoboya bekamela, elozwezwe okhalweni lwakhe, wayesidla intethe lenyosi zeganga.Ukulingwa kukaJesu(Mat 4:1–11; Luka 4:1–13)

12Masinyane uMoya wamqhubela enkangala.

13Wayekhona enkangala insuku ezingamatshumi amane elingwa nguSathane; wayendawonye lezilo; izithunywa zamkhonza.

UJesu uqala ukutshumayela(Mat 4:17; Luka 4:14–15)

14Emva kokubotshwa kukaJohane uJesu wafika eGalili etshumayela ivangeli likaNkulunkulu,

15wathi: Isikhathi sesiphelele, umbuso kaNkulunkulu ususondele; phendukani, likholwe ivangeli.Ukubizwa kukaPetro lababelaye(Mat 4:18–22; Luka 5:1–11)

16Kwathi uJesu ehamba ngasolwandle lwaseGalili, wabona oSimoni loAndreya umfowabo kaSimoni bephosa imbule olwandle, ngoba babengabagoli benhlanzi.

17UJesu wathi kubo: Ngilandelani; ngizakulenza libe ngabagoli babantu.

18Masinyane batshiya amambule abo, bamlandela.

19Eseqhubeke ingcosana wabona uJakobe indodana kaZebediya loJohane umfowabo besemkolweni, belungisa amambule abo.

20Wababiza masinyane. Batshiya uyise uZebediya emkolweni lezisebenzi, basuka bamlandela.

Ukusiliswa kweziguli eKapenawume(Luka 4:31–37)

21Bangena eKapenawume. Kwathi masinyane ngeSabatha wangena esinagogeni, wafundisa.

22Abantu bamangala ngokufundisa kwakhe; ngoba wabafundisa njengolamandla, kungenjengababhali.

23Kwakukhona esinagogeni labo umuntu owayelomoya omubi, wamemeza,

24wathi: Silani lawe Jesu waseNazaretha? Uze ukusibhubhisa na? Ngiyakwazi ukuba ungubani: ungoNgcwele kaNkulunkulu.

25UJesu wamkhuza wathi: Thula, uphume kuye.

26Umoya omubi emhlukuza, ekhala ngelizwi elikhulu, waphuma kuye.

27Bamangala bonke, baze babuzana bathi: Kuyini lokhu? Yikufundisa okutsha! Ngoba ngamandla uyalaya labomoya ababi, bamlalele.

28Lwahle lwanda udumo lwakhe kulo lonke ilizwe laseGalili.

Uninazala kaPetro labanye abagulayo basiliswa(Mat 8:14–17; Luka 4:38–41)

29Sebephumile esinagogeni bangena masinyane endlini kaSimoni loAndreya beloJakobe loJohane.

30Uninazala kaSimoni wayelele elomkhuhlane; bahle bamtshela ngaye.

31Waya kuye, wambamba ngesandla wamlulamisa; umkhuhlane wamyekela, wabasebenzela.

32Sekuhlwile, ilanga selitshonile, baletha kuye bonke abagulayo lababengenwe ngomoya ababi.

33Umuzi wonke wawubuthene ngasemnyango.

34Wasilisa abanengi ababegula izifo ngezifo, wakhupha omoya ababi abanengi, kavumelanga omoya ababi ukuthi bakhulume, ngoba babemazi.

UJesu uyakhuleka; uyasuka eKapenawume(Luka 4:42–44)

35Ekuseni kusesemnyama kakhulu, wavuka waphuma, waya endaweni eyinkangala, wakhuleka khona.

36USimoni lababelaye bamdinga.

37Sebemfumene bathi kuye: Bonke bayakufuna.

38Wathi kubo: Asiye kwezinye indawo emizini eseduze ukuze ngitshumayele lakhona, ngoba ngiphumele lokhu.

39Wahamba etshumayela emasinagogeni abo kulo lonke elaseGalili, ekhupha omoya ababi.UJesu usilisa umuntu olobulephero(Mat 8:1–4; Luka 5:12–16)

40Kwafika kuye umuntu olobulephero, waguqa ngamadolo phambi kwakhe, emncenga esithi kuye: Aluba uthanda, ungangihlambulula.

41UJesu wamhawukela, welula isandla sakhe, wamthinta, wathi: Ngiyathanda; hlambuluka.

42Bahle basuka ubulephero kuye, wahlambuluka.

43Wamlayisisa, wamyekela wahamba,

44esithi kuye: Khangela, ungatsheli muntu, kodwa hamba uziveze kumpristi, unikele okokuhlanjululwa kwakho lokho okwalayelwa nguMose, kube yibufakazi ebantwini.Levi 14:1–32

45Kodwa yena esephumile waqala ukutshumayela kakhulu wayandisa leyondaba, kwaze kwathi uJesu kabesaba lakho ukungena emzini obala; kodwa wayengaphandle endaweni eziyinkangala; beza kuye bevela inxa zonke.