Hubo 110 - Ndebele Bible (iBhayibhili Elingcwele) 1978

INkosi uNkulunkulu inika inkosi umbuso

1INkosi yathi enkosini yami:

Hlala ngakwesokunene sami,

ngize ngenze izitha zakho zibe yisigcabha senyawo zakho.

2Intonga yobukhosi bakho iNkosi izakuyelula iseZiyone.

Ithi: Busa wena phakathi kwezitha zakho.

3Abantu bakho bazakuzinikela ngokujabula

mhla uhola izimpi zakho;

emadabukakusa insizwa zakho zizakuza kuwe entabeni ezingcwele,

zilamandla amatsha njengamazolo asekuseni.

4INkosi ifungile, kayiyikuzisola,

yathi: Wena ungumpristi kokuphela

ngokwendlela kaMelkizedeki.

5INkosi ingakwesokunene sakho;

izakuwachitha amakhosi osukwini lokuthukuthela kwayo.

6Izakwahlulela phakathi kwezizwe, kugcwale izidumbu;

izakuchitha izinduna endaweni ezinengi.

7Izakunatha emfuleni ngasendleleni;

ngakhoke izakuma inqobile.