Nani 29 - Ndebele Bible (iBhayibhili Elingcwele) 1978

1Ngosuku lokuqala lwenyanga yesikhombisa lizakuba lenkonzo enkulu; lingenzi umsebenzi ngalo. Kuzakuba lusuku lokutshaya impondo.

2Lizanikela umnikelo wokutshiswa, iphunga elimnandi eNkosini, inkunzi eyodwa, lenqama eyodwa, lamawundlu amaduna ayisikhombisa alomnyaka munye, angelasici.

3Umnikelo oqondene lalokho owempuphu ecolekileyo ixubene lamafutha uzakuba yingxenye yehefa ngenkunzi, lengxenye yehefa ngenqama,

4lengxenye yehefa ngalelo lalelowundlu;

5linikele njalo lempongo eyodwa ibe ngumnikelo wesono, ukuze kwenzelwe lina indlela yokubuyisana;

6kanye lomnikelo wokutshiswa wenyanga ethwasayo lomnikelo wawo wempuphu, lomnikelo wokutshiswa wensuku ngensuku lomnikelo wawo wempuphu, leminikelo yayo yokuthululwa ngokwesimiso sayo, kube liphunga elimnandi, lomnikelo owenzelwe iNkosi ngomlilo.

7Ngosuku lwetshumi lwenyanga yesikhombisa lizakuba lenkonzo enkulu, lizithobe; lingenzi umsebenzi ngalo,Levi 16:29–34

8kodwa linikele umnikelo wokutshiswa eNkosini, iphunga elimnandi, inkunzi eyodwa lenqama eyodwa, lamawundlu amaduna ayisikhombisa alomnyaka munye, angelasici.

9Umnikelo oqondene lalokho owempuphu ecolekileyo ixubene lamafutha uzakuba yingxenye yehefa ngenkunzi, lengxenye yehefa ngenqama,

10lengxenye yehefa ngalelo lalelowundlu;

11linikele njalo lempongo eyodwa ibe ngumnikelo wesono, ngaphandle komnikelo wesono owenziwa ngenxa yokubuyisana, lomnikelo wokutshiswa wensuku ngensuku lomnikelo wawo wempuphu, leminikelo yayo yokuthululwa.

12Ngosuku lwetshumi lanhlanu lwenyanga yesikhombisa lizakuba lenkonzo enkulu; lingenzi umsebenzi, liyigcinele iNkosi umkhosi insuku eziyisikhombisa,Eks 23:16; 34:22; Dute 16:13–15

13linikele umnikelo wokutshiswa, umnikelo owenziwe ngomlilo, iphunga elimnandi eNkosini, inkunzi ezilitshumi lantathu, lenqama ezimbili, lamawundlu amaduna alitshumi lane alomnyaka munye, angelasici.

14Umnikelo oqondene lalokho owempuphu ecolekileyo ixubene lamafutha uzakuba yingxenye yehefa ngaleyo laleyonkunzi, lengxenye yehefa ngaleyo laleyonqama,

15lengxenye yehefa ngalelo lalelowundlu;

16linikele lempongo eyodwa ibe ngumnikelo wesono, ngaphandle komnikelo wokutshiswa wensuku ngensuku, lomnikelo wawo wempuphu lomnikelo wawo wokuthululwa.

17Ngosuku lwesibili lizanikela ngenkunzi ezilitshumi lambili, lenqama ezimbili, lamawundlu amaduna alitshumi lane alomnyaka munye, angelasici,

18kanye lomnikelo wempuphu leminikelo yokuthululwa njengenani lezinkunzi lezinqama lamawundlu, lanjengokwesimiso,

19lempongo eyodwa ibe ngumnikelo wesono, ngaphandle komnikelo wokutshiswa wensuku ngensuku, lomnikelo wawo wempuphu, leminikelo yayo yokuthululwa.

20Ngosuku lwesithathu linikele ngenkunzi ezilitshumi lanye, lenqama ezimbili, lamawundlu amaduna alitshumi lane alomnyaka munye, angelasici,

21kanye lomnikelo wempuphu leminikelo yokuthululwa njengenani lezinkunzi lezinqama lamawundlu, lanjengokwesimiso,

22lempongo eyodwa ibe ngumnikelo wesono, ngaphandle komnikelo wokutshiswa wensuku ngensuku, lomnikelo wempuphu lomnikelo wawo wokuthululwa.

23Ngosuku lwesine linikele ngenkunzi ezilitshumi, lenqama ezimbili, lamawundlu amaduna alitshumi lane alomnyaka munye, angelasici,

24kanze lomnikelo wempuphu leminikelo yokuthululwa njengenani lezinkunzi lezinqama lamawundlu, lanjengokwesimiso,

25lempongo eyodwa ibe ngumnikelo wesono, ngaphandle komnikelo wokutshiswa wensuku ngensuku, lomnikelo wawo wempuphu lomnikelo wawo wokuthululwa.

26Ngosuku lwesithupha linikele ngenkunzi ezificamunwemunye, lenqama ezimbili, lamawundlu amaduna alitshumi lane alomnyaka munye, angelasici,

27kanye lomnikelo wempuphu leminikelo yokuthululwa njengenani lezinkunzi lezinqama lamawundlu, lanjengokwesimiso,

28lempongo eyodwa ibe ngumnikelo wesono, ngaphandle komnikelo wokutshiswa wensuku ngensuku, lomnikelo wawo wempuphu lomnikelo wawo wokuthululwa.

29Ngosuku lwesithupha linikele ngenkunzi ezificaminwembili, lenqama ezimbili, lamawundlu amaduna alitshumi lane alomnyaka munye, angelasici,

30kanye lomnikelo wempuphu leminikelo yokuthululwa njengenani lezinkunzi lezinqama lamawundlu, lanjengokwesimiso,

31lempongo eyodwa ibe ngumnikelo wesono, ngaphandle komnikelo wokutshiswa wensuku ngensuku, lomnikelo wawo wempuphu leminikelo yawo yokuthululwa.

32Ngosuku lwesikhombisa linikele ngenkunzi eziyisikhombisa, lenqama ezimbili, lamawundlu amaduna alitshumi lane alomnyaka munye, angelasici,

33kanye lomnikelo wempuphu leminikelo yokuthululwa njengenani lezinkunzi lezinqama lamawundlu, lanjengokwesimiso,

34lempongo eyodwa ibe ngumnikelo wesono, ngaphandle komnikelo wokutshiswa wensuku ngensuku, lomnikelo wawo wempuphu lomnikelo wawo wokuthululwa.

35Ngosuku lwesificaminwembili lizakuba lenkonzo yokucina; lingenzi umsebenzi ngalo,

36kodwa linikele umnikelo wokutshiswa, umnikelo owenziwe ngomlilo, iphunga elimnandi eNkosini, inkunzi eyodwa, lenqama ibenye, lamawundlu amaduna ayisikhombisa alomnyaka munye, angelasici,

37kanye lomnikelo wempuphu leminikelo yokuthululwa njengenani lezinkunzi lezinqama lamawundlu, lanjengokwesimiso,

38lempongo eyodwa ibe ngumnikelo wesono, ngaphandle komnikelo wokutshiswa wensuku ngensuku, lomnikelo wawo wempuphu lomnikelo wawo wokuthululwa.

39Lokho lizakunikela ngakho eNkosini emikhosini yenu emisiweyo, kanye leminikelo yokugcwalisa izithembiso zenu, leminikelo yenu yesihle, leminikelo yenu yokutshiswa, leminikelo yenu yempuphu, leminikelo yenu yokuthululwa, leminikelo yenu yokuthula.

40UMose wabatshela abakoIsrayeli konke njengokutsho kweNkosi kuye.