1INkosi yathi: Ndoda, thatha umhedla obukhali, uwusebenzise njengempuco yomgeli, uwuhambise ekhanda lakho lesilevini sakho; ubusuthatha izilinganiso zokulinganisa, ulinganise inwele uzahlukanise.
2Ingxenye yesithathu uzayitshisa ngomlilo phakathi komuzi lapho insuku zokuvimbezela seziphelile. Enye ingxenye yesithathu uyithathe, uyiqumaqumele endaweni zonke zomuzi ngomhedla; lenye ingxenye yesithathu uyichithachithe emoyeni, ngizayilandela ngiphethe umhedla.
3Uzathatha inwele eziyingcosana, uzigoqele ngomphetho wengubo yakho.
4Ubusuthatha ezinye zazo, uziphosele emlilweni zitshe; umlilo uzavela kuzo utshise uIsrayeli.
5INkosi uNkulunkulu ithi: Lumuzi weJerusalema ngiwumisile phakathi kwezizwe, amanye amazwe awuphahlile.
6Uhlamukile imithetho yami lezimiso zami ngokwenza okubi ukwedlula ezinye izizwe lamazwe awuphahlileyo; bayilahlile imithetho yami, kabahambanga ngezimiso zami.
7Ngakhoke iNkosi uNkulunkulu ithi: Njengoba lihlamukile ukwedlula izizwe eziliphahlileyo, lingalondolozi imithetho yami, lingagcini lezimiso zami, lingagcini lezimiso zezizwe eziliphahlileyo,
8ngalokho iNkosi uNkulunkulu ithi: Mina sengizakulwa lani, ngizakulitshaya ukuze izizwe zonke zibone.
9Ngenxa yamanyala enu wonke ngizakwenza kini engingazake ngikwenze lengingasayikukwenza futhi.
10Ngakho oyise bazakudla abantwana babo phakathi kwenu, labantwana badle oyise. Ngizakulijezisa, labo abaseleyo ngizabachithachithela emimoyeni yonke.
Who We AreWhat We EelieveWhat We Do
2025 by iamachristian.org,Inc All rights reserved.
