Zaga 10 - Ndebele Bible (iBhayibhili Elingcwele) 1978

Izaga zikaSolomoni

1Nanzi izaga zikaSolomoni.

Indodana ehlakaniphileyo iyintokozo kuyise,

kodwa indodana eyisithutha ilusizi kunina.

2Inotho ezuzwa ngokubi kayisizi lutho,

kodwa ukulunga kukhulula ekufeni.

3INkosi kayivumi ukuba olungileyo alambe,

kodwa iyadanisa izifiso zababi.

4Izandla ezingasebenziyo ziveza ubuyanga,

kodwa izandla ezikhutheleyo ziyanothisa.

5Umuntu ovuna ehlobo ihlakaniphile,

kodwa umuntu olala ngesikhathi sokuvuna ithelela ihlazo.

6Izibusiso zehliselwa kolungileyo,

kodwa ububi buvala umlomo womubi.

7Olungileyo ukhunjulwa ngezibusiso,

kodwa ibizo lomubi lizakuphela.

8Ohlakaniphileyo uzalalela imilayo,

kodwa isithutha esiwumanayo sizakuphambeka.

9Ohamba ngobuqotho uhamba evikelekile,

kodwa ohlanekela indlela zakhe uzakuwa.

10Ukuyekethisa icala kubanga inkathazo,

kodwa okhuza obala uveza ukuthula.

11Umlomo wolungileyo ungumthombo wokuphila,

kodwa emlonyeni womubi kukhona okubi.

12Inzondo ibanga ukuxabana,

kodwa uthando lusibekela iziphambeko zonke.

13Emlonyeni woqedisisayo kukhona ukuhlakanipha;

uswazi ngolokutshaya ongelangqondo.

14Abahlakaniphileyo bagcina ukwazi,

kodwa oyisithutha usondeza ukuchitheka ngokuwumana kwakhe.

15Inotho yomuntu onothileyo ingumuzi wakhe oqinileyo,

yibuyanga obuchitha umuntu ongumyanga.

16Iholo lolungileyo lisetshenziselwa ukuphila,

inzuzo yomubi isetshenziselwa ububi.

17Onanza ukulaywa usendleleni yokuphila,

kodwa ongananzi ukukhuzwa uyaduha.

18Okhuluma amanga ulenzondo,

lohlebayo uyisithutha.

19Nxa umuntu ephophotha, ukuphambeka kuseduze laye,

kodwa ohlakaniphileyo uvala umlomo wakhe.

20Ulimi lolungileyo lunjengesiliva esihle,

kodwa inhliziyo yomubi injengento engelasizo.

21Umlomo wolungileyo uyasiza abanengi,

kodwa izithutha ziyafa ngokuswela ingqondo.

22Ukubusisa kweNkosi kuyanothisa,

kayengezi usizi kukho.

23Ukwenza okubi kuthabisa isithutha,

kodwa ukuhlakanipha kuthabisa umuntu oqedisisayo.

24Lokho omubi akwesabayo kuzamehlela,

kodwa lokho olungileyo akufisayo kuzamnikwa.

25Lapho sekudlule isivunguvungu, omubi uyanyamalala,

kodwa olungileyo uma kokuphela.

26Njengewayini elimunyu emazinyweni, lentuthu emehlweni,

unjalo umuntu olivila komthumileyo.

27Ukuyesaba iNkosi kwandisa insuku zokuphila,

kodwa iminyaka yababi izakufinyezwa.

28Ithemba labalungileyo lizakuba yikuthokoza,

kodwa lokho abakufisayo ababi kuzakuphela.

29Indlela yeNkosi iyinqaba kwabaqotho,

kodwa ababi bazachitheka.

30Olungileyo kasoze asuswe endaweni yakhe,

kodwa omubi kayikuhlala elizweni.

31Umlomo wolungileyo ukhuluma ukuhlakanipha,

kodwa ulimi olukhohlisayo luzakuqunywa.

32Umlomo wolungileyo ukhuluma okuhle,

kodwa umlomo womubi ukhuluma okukhohlisayo.