1Ngasengibona esinye isithunywa esilamandla sisehla sivela ezulwini; sambethe iyezi, lomchilowamakhosikazi usekhanda laso; ubuso baso babunjengelanga, lemilenze yaso injengensika zomlilo.
2Sasiphethe esandleni saso incwadi encinyane evulekileyo. Samisa unyawo lwaso lokunene phezu kolwandle, lonyawo lwaso lwekhohlo phezu komhlabathi.
3Samemeza ngelizwi elikhulu elinjengelesilwane esibhongayo; kwathi lapho simemeza, kwezwakala imidumo eyisikhombisa.
4Kwathi imidumo eyisikhombisa isizwakele, ngasengizakuloba; kodwa ngezwa ilizwi livela ezulwini lisithi: Kwenze imfihlo okukhulunywe yimidumo eyisikhombisa, ungakulobi.
5Isithunywa engasibona simi phezu kolwandle laphezu komhlabathi saphakamisela isandla saso sokunene ezulwini,Eks 20:11; Dute 32:40; Dan 12:7; Amos 3:7
6safunga yena ophilayo kuze kube nininini, owadala izulu lakho konke okukulo, lomhlaba lakho konke okukuwo, lolwandle lakho konke okukulo, sathi: Kakusayikuphuzwa;
7kodwa lapho sesifikile isikhathi sokuba isithunywa sesikhombisa sikhalise uphondo lwaso, kuzabe sekugcwalisekile imfihlakalo yecebo likaNkulunkulu ayithembisa ezincekwini zakhe abaprofethi.
8Ilizwi engalizwa livela ezulwini lakhuluma lami futhi lathi: Hamba uyethatha incwadi evulekileyo esesandleni sesithunywa esimi phezu kolwandle laphezu komhlabathi.Hez 2:8—3:3
9Ngaya kuso isithunywa, ngathi kuso kasinginike incwadi encinyane. Sathi kimi: Ithathe, uyidle uyiqede; izakubaba esiswini sakho, kodwa emlonyeni wakho izakuba mnandi njengenyosi.
10Ngasengiyithatha incwadi encinyane esandleni sesithunywa, ngayidla; yayimnandi njengenyosi emlonyeni wami; kodwa lapho sengiyidlile, yababa esiswini sami.
11Kwasekuthiwa kimi: Kumele ukuba uphinde utshumayele ngabantu abanengi, langezizwe, langezindimi, langamakhosi.
Who We AreWhat We EelieveWhat We Do
2025 by iamachristian.org,Inc All rights reserved.
