Hubo 93 - Ndebele Bible (iBhayibhili Elingcwele) 1978

Ubukhosi beNkosi

1INkosi iyabusa; yambethe ubukhosi;

iNkosi izambese ngamandla.

Yebo, umhlaba umi uqinile, kawuyikunyikinywa.

2Isihlalo sakho sobukhosi samiswa endulo;

wena wawukhona kusukela nininini.

3Imifula iphakamisile, Nkosi,

imifula iphakamisile ukuholoba kwayo,

imifula iphakamisile ukuduma kwayo,

4INkosi iphakeme ilamandla,

ilamandla kulokuduma kwamanzi amanengi,

lamavinqo olwandle.

5Izimiso zakho ziqinisekile;

ubungcwele buyifanele indlu yakho, Nkosi,

kuze kube nini lanini.