2 KwabaseTesalonika 2 - Ndebele Bible (iBhayibhili Elingcwele) 1978

Ukufika kweNkosi lokufika koMubi

1Bazalwane, mayelana lokufika kweNkosi yethu uJesu Kristu lokubuthana kwethu ukuba siyihlangabeze, siyalincenga1 Tes 4:15–17

2ukuba lingaphangisi likhathazeke engqondweni zenu, lethuswe, loba ngumoya, loba yilizwi, loba yincwadi ngokungathi ivela kithi, kuthiwa usuku lweNkosi selufikile.

3Kakungabi khona umuntu olikhohlisayo langayiphi indlela; ngoba kaluyikufika lolosuku, kungakaveli ukuvukela uNkulunkulu kuqala, kwambulwe oMubi, indodana yokulahlwa,

4omelana lakho konke, lozikhukhumeza phezu kwakho konke okuthiwa ngunkulunkulu, loba yinto nje ekhonzwayo aze ahlale ethempelini likaNkulunkulu ezibiza ngokuthi unguNkulunkulu. Dan 11:36; Hez 28:2

5Kalikhumbuli yini ukuthi ngisekhona kini ngalitshela ngalokhu na?

6Selikwazi okumvimbelayo khathesi ukuze ambulwe ngesikhathi sakhe.

7Ngoba amandla afihlakeleyo obubi asesebenza. Asebenza kuphela okwalesisikhathi aze asuswe lowo owavimbeleyo.

8Kung’khonake ezakwambulwa lowo oMubi, kodwa iNkosi uJesu izakumqeda ngomoya womlomo wayo, imbhubhise ngokubonakala kwayo ekufikeni kwayo.Isa 11:4

9Ukufika koMubi kungumsebenzi kaSathane; kuzakuba ngawo wonke amandla, lezibonakaliso lezimangaliso zamanga,Mat 24:24

10langayo yonke inkohliso yokungalungi kulabo abamiselwe ukubhubha ngenxa yokuba bengavumanga ukuthanda iqiniso, ukuze basiliswe.

11Ngakhoke uNkulunkulu ubathumele okuduhisayo, ukuze bakholwe amanga,

12ukuba bonke abangakholwanga iqiniso kodwa bethokoziswa yikungalungi balahlwe.

Ukubonga lokunxusa kukaPawuli

13Kodwa thina simele ukubonga uNkulunkulu njalo ngani, bazalwane abathandekayo beNkosi, ngoba uNkulunkulu walikhetha kusukela ekuqaleni, walikhethela ukuba lisiliswe ngobungcwele obuvela kuMoya langokukholwa iqiniso;

14walibizela kulokhu ngevangeli esalilethayo, lize lizuze inkazimulo yeNkosi yethu uJesu Kristu.

15Ngakhoke, bazalwane, qinani, libambelele emasikweni elawafundiswa yithi loba ngelizwi lomlomo ingabe ngencwadi.

16Kakuthike iNkosi yethu uJesu Kristu uqobo, loNkulunkulu uBaba owasithandayo lowasinika ngomusa induduzo engapheliyo lethemba elihle,

17aduduze inhliziyo zenu, aliqinise emisebenzini yonke emihle lasemazwini amahle.