1INkosi yathi kuMose:
2Laya abantu bakoIsrayeli uthi kubo: Lapho lingena elizweni laseKanani, ilizwe lizakuba ngelenu; nanti ilizwe laseKanani lemingcele yalo.
3Isigaba saseningizimu sizakusuka enkangala yaseZini, ngasemkhawulweni welaseEdoma, lomngcele wenu waseningizimu uzasuka ekucineni koLwandle lweTshwayi ngasempumalanga.
4Uzakuya ngaseningizimu emqansweni weAkirabimi, udlulele eZini, ufike eningizimu kweKadeshi‐Barneya; uzaqhubeka uye eHazari‐Adari, uze ufike eAzimoni;
5uzakuphenduka eAzimoni uye esifuleni saseGibithe, uphelele olwandle.
6Umngcele wasentshonalanga uzakuba luLwandle olukhulu; lona luzakuba ngumngcele wenu ngasentshonalanga.
7Umngcele wenu wasenyakatho uzakuba yilo; dwebani umzila wenu kusukela oLwandle olukhulu kusiya entabeni yaseHori;
8kusukela entabeni yaseHori dwebani umzila oya ngasekungeneni kweHamathi, umngcele ucine eZedadi;
9uzasuka lapho uye eZifroni, ucine eHazarenani. Lo uzakuba ngumngcele wenu wasenyakatho.
10Dwebani umzila womngcele wenu wasempumalanga, kusukela eHazarenani kusiya eShefamu;
11umngcele uzakwehlela eShefamu uye eRibila ngasempumalanga kwaseAyini, wehle njalo uze ufike ngasempumalanga koLwandle lwaseKinerethi;
12uzakwehlela eJordani, uphelele oLwandle lweTshwayi. Leli lizakuba yilizwe lakini lemingcele yalo inxa zonke.
13UMose waselaya abakoIsrayeli wathi: Leli yilizwe elizakwabelana lona ngenkatho, iNkosi elaye ngalo ukuba linikwe izizwe ezificamunwemunye lengxenye yesizwe.Nani 26:52–56 Josh 14:1–5
14Ngoba isizwe sabakoRubeni ngezindlu zaso, lesizwe sabakoGadi ngezindlu zaso, lengxenye yesizwe sakoManase sezizuzile ilizwe lazo.
15Izizwe lezo ezimbili lengxenye yesizwe sezizuzile ilizwe lazo ngaphetsheya kweJordani, maqondana leJeriko, ngasempumalanga.
16INkosi yathi kuMose:
17Nanka amabizo amadoda azakulabela ilizwe libe ngelenu, uEleyazare umpristi loJoshuwa indodana kaNuni.
18Lizathatha isikhulu kuleso lalesosizwe ukwahlukanisa ilizwe libe ngelenu.
19Nanka amabizo amadoda; esizweni sakoJuda, uKalebi indodana kaJefune.
20Esizweni sakoSimeyoni, uShemuweli indodana kaAmihudi.
21Esizweni sakoBenjamini, uElidadi indodana kaKisiloni.
22Esizweni sabakoDani, yisikhulu uBuki indodana kaJogili.
23KwabakoJosefa, esizweni sabakoManase, yisikhulu uHaniyeli indodana kaEfodi.
24Esizweni sabakoEfrayimi, yisikhulu uKemuweli indodana kaShifitani.
25Esizweni sabakoZebuluni, yisikhulu uElizafani indodana kaParinaki.
26Esizweni sabakoIsakari, yisikhulu uPalitiyeli indodana kaAzani.
27Esizweni sabakoAsheri, yisikhulu uAhiyudi indodana kaShelomi.
28Esizweni sabakoNafitali, yisikhulu uPedaheli indodana kaAmihudi.
29Yibo labo iNkosi eyabalaya ukwahlukanisela abakoIsrayeli izindawo elizweni laseKanani.
Who We AreWhat We EelieveWhat We Do
2025 by iamachristian.org,Inc All rights reserved.
