Isa 31 - Ndebele Bible (iBhayibhili Elingcwele) 1978

Ubuze beGibithe

1Maye kulabo abehlela eGibithe ukudinga ukusizwa,

abathemba amabhiza,

bethemba inqola zokulwa ngoba zinengi,

bethemba abakhweli bamabhiza ngoba belamandla,

kodwa bengathembeli koNgcwele kaIsrayeli, bengaceli usizo eNkosini!

2Kanti layo ihlakaniphile, iyaletha ukuhlupheka,

kayiwabuyisi amazwi ayo;

kodwa izakubavukela abenza okubi,

ivukele labasizi babenza imisebenzi emibi.

3AmaGibithe angabantu, kawasuye uNkulunkulu,

lamabhiza awo ayinyama, kawasiwo umoya.

Lapho iNkosi iphakamisa isandla sayo,

uzakhubeka osizayo, laye osizwayo awele phansi,

babhubhe bobabili.

4INkosi yathi kimi:

Njengoba isilwane sibhongela phezu kwesikubambileyo,

lapho abelusi bebizelwe ukulwa laso,

singethuswa yikumemeza kwabo, singawesabi umsindo wabo,

ngokunjalo iNkosi yamabandla izakwehla ukulwela intaba yaseZiyone lengqonga yayo.

5Lanjengenyoni ezizulayo phezu kwabantwana bayo,

ngokunjalo iNkosi yamabandla izavikela iJerusalema,

ilivikele, ilikhulule, ilisize, ilophule.

6Lina bantu bakoIsrayeli, buyelani kuye elimhlamukileyo kakubi.

7Ngoba ngalolosuku lonke lizakulahla izithombe zenu zesiliva lezegolide, elizenze ngezandla zenu ezimbi.

8IAsiriya lizabulawa ngomkhonto ongesiwo womuntu,

umkhonto ongesiwo womuntu uzalichitha;

lizabalekela impi, kuthi insizwa zalo zenziwe izigqili.

9Ngokwesaba lizakubaleka edwaleni lalo,

lezinduna zalo zilahle uphawu lwazo ngenxa yovalo.

Leli yilizwi leNkosi omlilo wayo useZiyone, lesithando sayo siseJerusalema.