Hubo 111 - Ndebele Bible (iBhayibhili Elingcwele) 1978

INkosi ifanele ukubongwa

1Dumisani iNkosi!

Ngiyayibonga iNkosi ngenhliziyo yami yonke

emhlanganweni lasebandleni labaqotho.

2Mikhulu imisebenzi yeNkosi,

labo abayithandayo bayayifunda.

3Umsebenzi wayo ulodumo lobukhosi,

lokulunga kwayo kuhlala kuze kube nininini.

4Yenzile ukuba imisebenzi yayo emangalisayo ikhunjulwe;

iNkosi ilomusa lesihawu.

5Iyabapha ukudla labo abayesabayo;

iyakhumbula njalo isivumelwano sayo.

6Ibatshengisile abantu bayo amandla emisebenzini yayo

ngokubanika ilizwe lezizwe.

7Imisebenzi yezandla zayo iqotho ilungile;

lemithetho yayo yonke ithembekile,

8imisiwe kuze kube nininini,

yenziwa ngeqiniso langobuqotho.

9Yabakhulula abantu bayo;

yamisa isivumelwano sayo kuze kube nininini;

lingcwele liyesabeka ibizo layo.

10Ukuyesaba iNkosi kuyikuqala kokuhlakanipha;

balengqondo enhle bonke abalakho.

Ukudunyiswa kwayo kumi kuze kube nini lanini.