1Nanti ilizwi. Yilizwi leNkosi ngoIsrayeli. INkosi eyendlala iphezulu, yamisa umhlaba, yenza umoya womuntu phakathi kwakhe,
2ithi: Ngizakwenza iJerusalema libe njengenkezo edakisayo kibo bonke abalizingelezeleyo; loJuda laye uzavinjezelwa ekuvinjezelweni kweJerusalema.
3Ngalolosuku ngizakwenza iJerusalema libe njengelitshe elisindayo kubo bonke abantu; bonke abalithwalayo bazazilimaza kakhulu; lazo zonke izizwe zomhlaba zizalihlanganyela.
4Ngalolosuku ngizakwethusa wonke amabhiza, labagadi bawo bonke ngibehlisele ukuhlanya. UJuda ngizamlinda, kodwa ngizaphumputhekisa wonke amabhiza abezizwe.
5Izizwe zakoJuda zizakuthi: Abakhileyo eJerusalema balamandla ngenxa yeNkosi yamabandla, uNkulunkulu wabo.
6Ngalolosuku ngizakwenza izizwe zakoJuda zibe njengembawula yomlilo phakathi kwezihlahla, lanjengesibane esibhebhayo phakathi kwezithungo. Bazakubaqeda bonke abantu ababazingelezeleyo, abangakwesokunene labangakwesokhohlo; kodwa abantu beJerusalema babelokhu besahlala kuhle endaweni yabo.
7INkosi izakhulula kuqala imizi yakoJuda ukuze udumo lwendlu kaDavida lodumo lwabakhileyo eJerusalema lungedluli olukaJuda.
8Ngalolosuku iNkosi izavikela abakhileyo eJerusalema ukuze ngalolosuku obuthakathaka phakathi kwabo abe lamandla njengoDavida, lendlu kaDavida ibe njengoNkulunkulu, njengesithunywa seNkosi esahamba phambi kwabo.
9Ngalolosuku ngizazama ukuchitha zonke izizwe ezihlasela iJerusalema.
10Ngizathela phezu kwendlu kaDavida laphezu kwabakhileyo eJerusalema umoya wesihawu lowobubele, ukuze kuthi nxa bembona abamgwazileyo, bamlilele, njengokulilelwa komntwana ozelwe yedwa, bamkhalele kakhulu njengokukhalelwa kolizibulo.Joha 19:37; Isam 1:7
11Ngalolosuku kuzakuba khona ukulila eJerusalema okunjengokulilelwa kukaHadadi‐Rimoni egcekeni laseMegido.
12Ilizwe lizalila, yileyo laleyondlu iyodwa; indlu kaDavida layo ilile iyodwa, labesifazana bayo bebodwa; indlu kaNathani iyodwa, labesifazana bayo bebodwa;
13indlu kaLevi iyodwa, labesifazana bayo bebodwa; indlu kaShimeyi iyodwa, labesifazana bayo bebodwa;
14lazo zonke izindlu eziseleyo, indlu leyo laleyo iyodwa, labesifazana bayo bebodwa.
Who We AreWhat We EelieveWhat We Do
2025 by iamachristian.org,Inc All rights reserved.
