Hubo 75 - Ndebele Bible (iBhayibhili Elingcwele) 1978

UNkulunkulu ungumahluleli

1Siyakubonga, Nkulunkulu, siyakubonga;

sikhuleka ebizweni lakho,

silandise imisebenzi yakho emangalisayo.

2Esikhathini esifaneleyo engizakusimisa

ngizakwahlulela ngokulunga.

3Lapho umhlaba unyikinyeka labo bonke abakhileyo kuwo,

yimi engiqinisa insika zawo.

4Ngithi kwabazincomayo: Lingazincomi.

Lakwababi ngithi: Lingaphongeli;

5lingaphongeli,

lizikhukhumeze.

6Ukuphakanyiswa kakuveli empumalanga

lasentshonalanga lasenyakatho laseningizimu;

7kodwa uNkulunkulu nguye owahlulelayo,

uyehlisa omunye, aphakamise omunye.

8Ngoba esandleni seNkosi kukhona imbiza

egcwele iwayini eliphuphumayo lelihlukuziweyo;

yona izakulithunga,

lababi bonke bomhlaba banathe izibhidi zalo.

9Kodwa mina ngizathokoza njalonjalo,

ngidumise uNkulunkulu kaJakobe.

10Zonke impondo zababi uzaziquma,

kodwa impondo zabalungileyo zizaphakanyiswa.