1Ngomnyaka wetshumi, ngosuku lwetshumi lambili lwenyanga yetshumi, ilizwi leNkosi lafika kimi lathi:
7lapho bekubamba ngesandla, wephuka,
wabakhumula iziphanga,
lalapho beseyama kuwe, waqamuka,
wabawisela phansi.
8Ngakhoke iNkosi uNkulunkulu ithi: Ngizakukulethela impi, ngiqede phakathi kwakho abantu lezinyamazana;
9lelizwe laseGibithe lichitheke libe yinkangala. Ng’khona bazakwazi ukuba ngiyiNkosi. Lokhu uthe: Umfula iNile ungowami, ngiwenzile;
10ngalokho ngimelene lawe lomfula wakho; ngizalichitha ilizwe laseGibithe libe yinkangala impela, kusukela eMigidoli ngasenyakatho kuze kube seSiyene ngaseningizimu, kuze kube lasemikhawulweni yaseEtiyopiya.
11Kakusayikudlula muntu kilo, kakusayikudlula lanyamazana; kaliyikuhlalwa muntu iminyaka engamatshumi amane.
12Ngizakulichitha iGibithe ukwedlula amazwe wonke achithekileyo; imizi yalo izachitheka okweminyaka engamatshumi amane phakathi kwemizi echithekileyo. Ngizawachithachitha amaGibithe phakathi kwezizwe, ngiwahlakazele phakathi kwamazwe.
13INkosi uNkulunkulu ithi: Ekupheleni kweminyaka engamatshumi amane ngizabutha amaGibithe ebantwini engiwachithachithe phakathi kwabo.
14Ngizababuyisela abantu baseGibithe elizweni lasePatrosi, ilizwe abadabuka kilo; lapho bazakuba ngumbuso ophansi.
15Bazakuba ngumbuso ophansi kulayo yonke, bangaphindi baphakanyiswe phezu kwezinye izizwe; ngizabenza babe bancinyane kakhulu ukuba bangabusi ezinye izizwe futhi.
16UIsrayeli angeke alithembe iGibithe futhi; lokhu kuzakubakhumbuza abakoIsrayeli izono zabo zokuya eGibithe ukucela usizo. Bazakwazi ukuba ngiyiNkosi uNkulunkulu.
17Ngomnyaka wamatshumi amabili lesikhombisa, osukwini lokuqala lwenyanga yokuqala, ilizwi leNkosi lafika kimi lathi:
18Ndoda, uNebukadineza inkosi yaseBabiloni walwisa impi yakhe leTire okwesikhathi eside, kwaze kwaphucuka amakhanda wonke, kwafutha amahlombe wonke; kodwa yena lempi yakhe kabazuzanga lutho eTire ngokulwa kwabo isikhathi eside.
19Ngalokho iNkosi uNkulunkulu ithi: Ngizanikela ilizwe laseGibithe kuNebukadineza inkosi yaseBabiloni; uzathumba yonke inotho yalo, aliphundle aliphange, ayiholise impi yakhe.
20Ngimnikile ilizwe laseGibithe libe ngumvuzo womsebenzi wakhe, ngoba ungisebenzele, kutsho iNkosi uNkulunkulu.
21Ngalolosuku ngizakhupha amahlumela amatsha koIsrayeli, ngikunike, wena Hezekeli, amandla okukhuluma phakathi kwabo. Bazakwazi ukuba ngiyiNkosi.
Who We AreWhat We EelieveWhat We Do
2025 by iamachristian.org,Inc All rights reserved.
