Gen 9 - Ndebele Bible (iBhayibhili Elingcwele) 1978

Isivumelwano sikaNkulunkulu loNowa

1UNkulunkulu wabusisa uNowa lamadodana akhe, wathi kibo: Zalani, lande, ligcwalise umhlaba.

5Igazi lenu, okutsho ukuphila kwenu, ngizalibiza; kuzo zonke inyamazana ngizalibiza; kuwo wonke umuntu ngizabiza ukuphila kwakhe, okomunye kube sesandleni somunye.

6Ochitha igazi lomuntu, igazi lakhe lizachithwa ngabantu; ngoba uNkulunkulu wamenza umuntu ngomfanekiso wakhe.

8UNkulunkulu wasekhuluma kuNowa lamadodana akhe,

9wathi: Khangelani, ngiyamisa isivumelwano sami lani lenzalo yenu emva kwenu,

10lazo zonke izidalwa eziphilayo ezilani, izinyoni lezifuyo lenyamazana zonke zomhlaba ezikanye lani, konke okuphume emkolweni.

11Ngizakumisa isivumelwano sami lani; kakusayikubhujiswa izidalwa zonke ngamanzi kazamcolo, kakusayikuba lozamcolo ukuba abhubhise umhlaba.

12UNkulunkulu wathi: Lokhu kuyisibonakaliso sesivumelwano engisenza phakathi kwami lani lazo zonke izidalwa eziphilayo ezikanye lani, kube sezizukulwaneni ezizayo.

13Ngizabeka umchilowamakhosikazi wami eyezini, ube yisibonakaliso sesivumelwano phakathi kwami lomhlaba.

14Kuzakuthi nxa ngibuyisa amayezi phezu komhlaba, umchilowamakhosikazi ubonakale emayezini;

15khona ngizakhumbula isivumelwano sami esiphakathi kwami lani lazo zonke izidalwa eziphilayo zenhlobo zonke; amanzi kawasayikuba nguzamcolo abhubhise zonke izidalwa.

16Umchilowamakhosikazi uzakuba semayezini, lapho ngiwubona ngizakhumbula isivumelwano esingapheliyo esiphakathi kukaNkulunkulu lazo zonke inyamazana eziphilayo zenhlobo zonke ezisemhlabeni.

17UNkulunkulu wathi kuNowa: Lokhu kuyisibonakaliso sesivumelwano engisimise phakathi kwami lakho konke okuphilayo emhlabeni.

Amazwi kaNowa kumadodana akhe

18Amadodana kaNowa aphumayo emkolweni ayengoShemu loHamu loJafethi; uHamu wayenguyise kaKanani.

19Yiwo lawo amadodana amathathu kaNowa; umhlaba wonke wagcwaliswa ngabazalwa yiwo.

20UNowa waba ngowokuqala ukuba ngumlimi, wahlanyela isivini.

21Wanatha iwayini, wadakwa yilo, walala eze ethenteni lakhe.

22UHamu, uyise kaKanani, wabona ubuze bukayise, watshela abafowabo bobabili ababephandle.

23OShemu loJafethi bathatha ingubo, bayibeka emahlombe abo bobabili, bangena behamba nyovane, bagubuzela ubuze bukayise; ubuso babo babukhangele emuva ukuba bangaboni ubuze bukayise.

24UNowa eseqaqabukile ekudakweni wezwa lokho indodana yakhe encinyane ebikwenzile kuye.

25Wasesithi:

Kaqalekiswe uKanani,

abe yisigqili sezigqili kubafowabo.

26Wathi futhi:

INkosi uNkulunkulu imbusise uShemu,

uKanani abe yisigqili sakhe.

27UNkulunkulu amenze abe mkhulu uJafethi,

ahlale emathenteni kaShemu,

uKanani abe yisigqili sabo.

28Emva kukazamcolo uNowa wahlala iminyaka engamakhulu amathathu lamatshumi amahlanu.

29UNowa waphila iminyaka engamakhulu aficamunwemunye lamatshumi amahlanu; wasesifa.