1Ngakho sizakuthini? Sizakuhlala esonweni ukuba kwande umusa na?
2Phinde! Thina esafa mayelana lesono singaba sisasila kanjani kuso na?
3Kalazi yini ukuthi, thina esabhaphathizelwa kuKristu Jesu, sabhaphathizelwa ekufeni kwakhe na?
4Ngalokhuke sambelwa laye ngokubhaphathizelwa ekufeni ukuba, njengoba uKristu wavuswa kwabafileyo ngobukhosi bukaYise, ngokunjalo lathi sihambe ekuphileni okutsha.Kol 2:12
5Ngoba uba sihlanganisiwe kanye laye ngokufa okufana lokwakhe, sizakuhlanganiswa kanye laye futhi ngokuvuka okufana lokwakhe.
6Siyazi ukuthi umuntu wethu omdala wabethelwa kanye laye ukuba umzimba wesono ubhujiswe, ukuze singabi yizigqili zesono,
7ngoba ofileyo ukhululiwe esonweni.
8Kodwa uba sifile kanye loKristu, siyakholwa ukuthi sizakuphila futhi kanye laye.
9Siyazi ukuthi uKristu, esevusiwe kwabafileyo, kasoze afe futhi; ngoba ukufa kungebe kusabusa phezu kwakhe.
10Ngoba ukufa afa ngakho, wakufa kanye nje ngenxa yesono; kodwa ukuphila akuphilayo, ukuphilela uNkulunkulu.
11Ngokunjalo lani kalibokuthi lifile mayelana lesono, kodwa liphilele uNkulunkulu kuKristu Jesu.
12Ngakhoke kasingabusi isono emizimbeni yenu efayo, lize lilalele izinkanuko zawo.
13Linganikeli izitho zenu esonweni, zibe yizikhali zokungalungi; kodwa zinikeleni lina kuNkulunkulu njengabavusiweyo kwabafileyo abaphilayo, linikele izitho zenu kuNkulunkulu zibe yizikhali zokulunga;
14isono kasiyikubusa phezu kwenu ngoba kalingaphansi komlayo, kodwa lingaphansi komusa.
Umfanekiso wobugqili15Phoke? Sizakona ngoba singekho ngaphansi komlayo kodwa singaphansi komusa na? Phinde!
16Kalazi yini ukuthi lowo elizinikela kuye ukuba libe yizigqili zokumlalela, liyizigqili zakhe elimlalelayo, loba ezesono okusa ekufeni, loba ezokulalela okuletha ukulunga na?
17Kodwa kabongwe uNkulunkulu ngokuthi lina elake laba yizigqili zesono, selilalela ngenhliziyo indlela yesifundiso elanikelwa kuyo,
18lokuthi, selikhululiwe esonweni, liyizigqili zokulunga khathesi.
19Ngikhulumisa okwabantu ngenxa yobuthakathaka benu. Ngoba njengalokho lanikela izitho zenu ukuba zikhonze amanyala lobubi, kube khona ububi obukhulu, ngokunjaloke zinikeleni izitho zenu khathesi ukuba zikhonze ukulunga, kube khona ubungcwele.
20Lapho liseyizigqili zesono, lalikhululekile mayelana lokulunga.
21Lazuza umvuzo bani na? Kalizuzanga lutho, kuphela lokho osekulithelela inhloni; ngoba ukucina kwakho kuyikufa.
22Kodwa khathesi, njengoba selikhululiwe esonweni laba ngabakhonzayo uNkulunkulu, lizuza umvuzo oletha ubungcwele, lasekucineni ukuphila okungapheliyo.
23Ngoba inkokhelo yesono iyikufa, kodwa isiphiwo somusa sikaNkulunkulu siyikuphila okungapheliyo kuKristu Jesu iNkosi yethu.
Who We AreWhat We EelieveWhat We Do
2025 by iamachristian.org,Inc All rights reserved.
