Heb 3 - Ndebele Bible (iBhayibhili Elingcwele) 1978

UKristu mkhulu kuloMose

1Ngakhoke, bazalwane abangcwele, abahlanganyela ekubizweni kwasezulwini, qaphelani uJesu umphostoli lompristi omkhulu wesivumo sethu,

2owathembeka kulowo owammisayo, njengoba uMose laye wayenjalo endlini kaNkulunkulu.

8lingazenzi zibe lukhuni inhliziyo zenu njengasekuthukutheliseni ngosuku lokulingwa enkangala,

9lapho okhokho benu bangilinga bengihlola, babona imisebenzi yami okweminyaka engamatshumi amane.

10Ngakhoke ngasithukuthelela lesosizukulwana, ngathi:

Bayaduha njalonjalo enhliziyweni zabo, kabazazanga izindlela zami,

11ngaze ngafunga ekuthukutheleni kwami, ngathi:

Kabazukungena ekuphumuleni kwami.

12Xwayani, bazalwane, funa kube khona omunye wakini olenhliziyo embi, engakholwayo, emduhisa kuNkulunkulu ophilayo.

13Kodwa layanani insuku ngensuku kusathiwa kulamuhla, ukuze kungabi khona kini owenziwa lukhuni yikukhohlisa kwesono.

14Ngoba siyahlanganyela kuKristu, uba sibambisisa ithemba lethu lokuqala kuze kube sekupheleni.

15Kuthiwa:

Lamuhla, uba lilizwa ilizwi lakhe,

lingazenzi zibe lukhuni inhliziyo zenu njengasekuthukutheliseni.

16Phoke, ngobani abezwayo bathukuthelisa na? Kakusibo bonke labo abaphuma eGibithe loMose na?Nani 14:1–35

17Ngobani uNkulunkulu athukutheliswa yibo okweminyaka engamatshumi amane na? Kakusibo labo abonayo, abazidumbu zabo zahlakazeka enkangala na?

18Ngobani afunga kibo ukuthi kabazukungena ekuphumuleni kwakhe, uba kungesibo abangalalelanga na?

19Ngakhoke siyabonake ukuthi babengelakungena ngenxa yokungalaleli kwabo.