1 Lan 9 - Ndebele Bible (iBhayibhili Elingcwele) 1978

Ababehlala eJerusalema

1Bonke abakoIsrayeli balotshwa ngezizukulwana zabo ogwalweni lwamakhosi akoIsrayeli; kodwa abakoJuda bathunjwa besiwa eBabiloni ngenxa yezono zabo.

2Abokuqala abakha futhi elizweni labo bahlala emizini yabo babengabantu bakoIsrayeli, labapristi, lamaLevi, lezinceku zasethempelini.Ezra 2:27; Neh 7:73

3Abanye bakoJuda labakoBenjamini labakoEfrayimi labakoManase bahlala eJerusalema;

4kwakunguUthayi indodana kaAmihudi kaOmri kaImri kaBani, omunye wamadodana kaPerezi kaJuda;

5lakumaShiloni kungoAsaya izibulo, lamadodana akhe;

6lakumadodana kaZera kunguJeyuweli lezihlobo zawo ezingamakhulu ayisithupha lamatshumi aficamunwemunye;

7kwabakoBenjamini uSalu indodana kaMeshulamu kaHodaviya kaHasenuwa,

8loIbineya indodana kaJerohamu, loEla indodana kaUzi kaMikiri, loMeshulamu indodana kaShefathiya kaRehuweli kaIbinija,

9lezihlobo zabo ezilotshwa ngezizukulwana zazo ezingamakhulu aficamunwemunye lamatshumi amahlanu lesithupha. Bonke labo babeyizinhloko zezindlu.

10Abapristi babengoJedaya loJehoyaribi loJakini

11loAzariya indodana kaHilikiya kaMeshulamu kaZadoki kaMerayothi kaAhitubi, umphathi wendlu kaNkulunkulu,

12loAdaya indodana kaJerohamu kaPashuri kaMalikiya loMahasayi kaAdiyeli kaJahizera kaMeshulamu kaMeshilemithi kaImeri,

13kanye lezihlobo zabo, izinhloko zezindlu, beyinkulungwane lamakhulu ayisikhombisa lamatshumi ayisithupha, abantu abalamandla lolwazi ngenkonzo yendlu kaNkulunkulu.

14AmaLevi ayengoShemaya indodana kaHashubi kaAzirikamu kaHashabiya, omunye wamadodana kaMerari,

15loBakibakari loHereshi loGalali loMathaniya indodana kaMika kaZikiri kaAsafi,

16loObadiya indodana kaShemaya kaGalali kaJeduthuni, loBerekiya indodana kaAsa kaElkana owahlala emizini yamaNetofa.

17Abagcini bamasango babengoShaluma loAkubi loTalimoni loAhimani lezihlobo zabo; uShaluma wayeyinhloko yabo.

18Kwaze kwaba yilesosikhathi babengabagcini bamasango ezihonqweni zamaLevi ngasesangweni lenkosi, ngasempumalanga.

19UShaluma indodana kaKore kaEbiyasafi kaKora, lezihlobo zakhe zamaKora, baphatha umsebenzi wokulinda iminyango yeTabernakeli, njengalokhu okhokho babo babelindile izintuba zesihonqo seNkosi uNkulunkulu.

20UFiniyasi indodana kaEleyazare wayengumphathi wabo ngaphambili; iNkosi kayibe laye!

21UZekariya indodana kaMeshelemiya wayengumgcini wesango lethente lokuhlangana.

22Bonke labo abakhethwayo baba ngabagcini bamasango babengamakhulu amabili letshumi lambili; balotshwa ngezizukulwana zabo emizini yabo. ODavida loSamuweli umboni babamisa ezikhundleni zabo ngenxa yokuthembeka kwabo.

23Bona lamadodana abo baphatha umsebenzi wokulinda amasango ethempeli, ithente lokuhlangana kwayo.

24Abalindi bamasango babekhona ezinhlangothini zozine, ngasempumalanga langasentshonalanga langasenyakatho langaseningizimu.

25Izihlobo zabo ezazisemizini yabo zazifanele ukuyalinda labo ngezikhathi ngezikhathi, okwensuku eziyisikhombisa.

26Abagcini bamasango abakhulu bobane babengamaLevi, belamandla agcweleyo, bekhangela izindlu lempahla endlini kaNkulunkulu.

27Babehlala ebusuku ngasendlini kaNkulunkulu, ngoba umsebenzi wabo wawuyikuyilinda lokuyivula insuku zonke ekuseni.

28Abanye babo babelondoloza izitsha zenkonzo, bezibala lapho zikhutshwa lalapho zingeniswa.

29Labanye babo babelondoloza impahla lazo zonke izitsha ezingcwele, lempuphu ecolekileyo, lewayini lamafutha, lempepha, lamakha.

30Abanye abapristi babelungisa amafutha okwenza amakha.

31UMathithiya umLevi, izibulo likaShaluma umKora, waphatha umsebenzi wokupheka amaqebelengwana ngoba ethembekile.

32Abanye bezihlobo zamaKohathi babephethe umsebenzi wokulungisa isinkwa esahlukaniselwe uNkulunkulu ngamaSabatha wonke.

33Laba bangabahlabeleli, beyizinhloko zezindlu zamaLevi; babehlala ezindlini zethempeli lapho bekhululekile kweminye imisebenzi, ngoba babefanele ukusebenza emini lebusuku.

34Labo bayizinhloko zezindlu zamaLevi ngezizukulwana zabo, bahlala eJerusalema.

Izizukulwana zikaSawuli

35UJehiyeli uyise kaGibeyoni wahlala eGibeyoni; ibizo lomkakhe lalinguMahaka.

36Amadodana akhe ayengoAbidoni izibulo, eselanywa nguZuri loKishi loBali loNeri loNadabi

37loGedori loAhiyo loZekariya loMikilothi.

38UMikilothi wazala uShimeyamu; laba labo babehlala eJerusalema eduze lezihlobo zabo.

39UNeri wazala uKishi; uKishi wazala uSawuli; uSawuli wazala uJonathani loMalikishuwa loAbinadaba loEshi‐Bali.

40Indodana kaJonathani yayinguMeribali; uMeribali wazala uMika.

41Amadodana kaMika ayengoPithoni loMeleki loTareya loAhazi.

42UAhazi wazala uJara; uJara wazala oAlemethi loAzimavethi loZimri. UZimri wazala uMoza.

43UMoza wazala uBineya, owazala uRefaya, owazala uEleyasa, uyise kaAzeli.

44UAzeli wayelamadodana ayisithupha, oAzirikamu loBokeru loIshmayeli loSheyariya loObadiya loHanani.