Hubo 16 - Ndebele Bible (iBhayibhili Elingcwele) 1978

INkosi iyisabelo sami

1Ngilondoloza, Nkulunkulu, ngoba ngiyaphephela kuwe.

2Ngithi eNkosini: Wena uyiNkosi yami,

kangilakho okuhle ngaphandle kwakho.

3Abangcwele abaselizweni yibo abayizikhulu,

yonke intokozo yami ikubo.

4Labo abakhetha omunye unkulunkulu bazandisela izinhlupheko;

kangiyikunikela iminikelo yabo yegazi;

lamabizo abonkulunkulu babo kangiyikuwaphatha emlonyeni wami.

5Nkosi, uyisabelo sami lenkezo yami;

wena uphethe okokuphila kwami konke.

6Imingcele yesabelo sami isezindaweni ezinhle;

yebo, ngilalo ilifa elihle.

7Ngiyayibonga iNkosi engilulekayo;

lasebusuku inhliziyo yami iyangilaya.

8Ngikhangele iNkosi njalonjalo;

ngoba ingakwesokunene sami, kangiyikunyikinywa.

9Ngakhoke inhliziyo yami iyathokoza,

lomphefumulo wami uyajabula,

lomzimba wami uzakuhlala ngokuthaba.

10Ngoba kawungiyekelanga ngiye endaweni yabafileyo,

kawuyikuvuma ukuba olungileyo wakho abone ukubola.

11Uzakungazisa indlela yokuphila;

phambi kwakho kugcwele ukuthokoza,

langakwesokunene sakho kukhona intokozo kuze kube nininini.