uNehimiya 12 - Ndebele Bible (iBhayibhili Elingcwele) 1978

Abapristi lamaLevi abafika loZerubabeli

1Nampa abapristi lamaLevi ababuya loZerubabeli indodana kaSalatiyeli loJeshuwa; oSeraya loJeremiya loEzra

2loAmariya loMaluki loHathushi

3loShekaniya loRehuma loMeremothi

4loIdo loGinethoyi loAbija

5loMijamini loMahadiya loBiliga

6loShemaya loJoyaribi loJedaya

7loSalu loAmoki loHilikiya loJedaya. Laba babeyizikhulu zabapristi lezezihlobo zabo ensukwini zikaJeshuwa.

8AmaLevi ayengoJeshuwa loBinuwi loKadimiyeli loSherebiya loJuda, loMathaniya, yena labafowabo yibo ababekhokhela ekuhlabeleni ingoma zokubonga.

9OBakibukiya loUno labafowabo babezophisana enkonzweni.

10UJeshuwa wayenguyise kaJoyakimi, uJoyakimi enguyise kaEliyashibi, uEliyashibi enguyise kaJoyada,

11uJoyada enguyise kaJonathani, uJonathani enguyise kaJaduwa.

12Ensukwini zikaJoyakimi abapristi ababezinhloko zezindlu koSeraya kwakunguMeraya, koJeremiya kunguHananiya,

13koEzra kunguMeshulamu, koAmariya kunguJehohanani,

14koMaluki kunguJonathani, koShebaniya kunguJosefa,

15koHarimi kunguAdina, koMerayothi kunguHelikayi,

16koIdo kunguZekariya, koGinethoni kunguMeshulamu,

17koAbija kunguZikiri, koMiniyamini kungu, — koMowadiya kunguPilitayi,

18koBiliga kunguShamuwa, koShemaya kunguJehonathani,

19koJoyaribi kunguMathenayi, koJedaya kunguUzi,

20koSalu kunguKalayi, koAmoki kunguEberi,

21koHilikiya kunguHashabiya, koJedaya kunguNethaneli.

22Ensukwini zikaEliyashibi loJoyada loJohanani loJaduwa inhloko zezindlu zamaLevi lezabapristi zazilotshiwe kwaze kwaba sensukwini zikaDariyu umPerisiya.

23KwabakoLevi inhloko zezindlu zazilotshiwe ogwalweni lwezindaba kwaze kwaba sensukwini zikaJohanani indodana kaEliyashibi.

24Inhloko zamaLevi zazingoHashabiya loSherebiya loJeshuwa loBinuwi loKadimiyeli, labafowabo ababesima maqondana labo ukudumisa lokubonga, njengomlayo kaDavida umuntu kaNkulunkulu, behlabela benikezelana.

25OMathaniya loBakibukiya loObadiya loMeshulamu loTalimoni loAkubi babengabalindi bamasango belinda iziphala ezisemasangweni.

26Labo babekhona ensukwini zikaJoyakimi indodana kaJeshuwa kaJozadaki, lasensukwini zikaNehemiya umbusi loEzra umpristi lombhali.

Inkonzo yokubongela ukwakhiwa komduli

27Enkonzweni yokubongela ukwakhiwa komduli weJerusalema badinga amaLevi ezindaweni zawo wonke ukuba eze eJerusalema enkonzweni yokubonga, abonge ngokuthokoza, adumise ngokuhlabela ngezigubhu langamachacho langemihubhe.

28Abahlabeleli, amaLevi, babuthana bevela endaweni zonke ezizingelezele iJerusalema lemizini yabaseNetofa,

29laseBeti‐Giligali laselizweni laseGeba laseAzimavethi, ngoba abahlabeleli babezakhele imizi emmangweni waseJerusalema.

30Abapristi lamaLevi bazihlambulula, bahlambulula labantu lamasango lomduli.

31Ngasengikhweza izikhulu zakoJuda emdulini, ngamisa amaxuku amakhulu amabili okuhlabela abekelela udwendwe; elinye lahamba phezu komduli lisiya eSangweni loMquba,

32lalandelwa nguHoshaya lengxenye yezikhulu zakoJuda,

33loAzariya loEzra loMeshulamu

34loJuda loBenjamini loShemaya loJeremiya,

35labapristi abathile bephethe impondo zokukhaliswa, bengoZekariya indodana kaJonathani kaShemaya kaMathaniya kaMikaya kaZakuri kaAsafi,

36lezihlobo zakhe oShemaya loAzareli loMilalayi loGilalayi loMahayi loNethaneli loJuda loHanani bephethe izinto zokukhaliswa zikaDavida umuntu kaNkulunkulu; uEzra umbhali wayehamba phambi kwabo.

37Bedlula iSango loMthombo, baqhubekela phambili bekhwela izinyathelo zokuya emzini kaDavida eduze lomqanso womduli womuzi, badlula indlu kaDavida, baya eSangweni laManzi ngasempumalanga.

38Elinye ixuku lalabo abahlabelayo loqonda ngakwesokhohlo, ngalilandela kanye lengxenye yezikhulu, sahamba phezu komduli ngaphezu koMphotshongo weSithando somlilo saya eMdulini obanzi

39ngaphezu kweSango lakoEfrayimi, eduze leSango eLidala leduze leSango leNhlanzi loMphotshongo kaHananeli loMphotshongo weKhulu, saya eSangweni leZimvu; safika sema eSangweni laBalindi.

40Womabili amaxuku alabo abahlabelayo ema endlini kaNkulunkulu, mina lengxenye yezinduna ezazilami,

41labapristi oEliyakimi loMahaseya loMiniyamini loMikaya loEliyowenayi loZekariya loHananiya bephethe impondo zokukhaliswa,

42loMahaseya loShemaya loEleyazare loUzi loJehohanani loMalikiya loElamu loEzeri. Abahlabeleli bahlabela bekhokhelwa nguJezrahiya.

43Banikela imihlatshelo eminengi mhlalokho, bathokoza, ngoba uNkulunkulu wayebanike lokho okubathokozisayo kakhulu; abesifazana labantwana labo bathokoza; ukuthokoza kweJerusalema kwezwakala khatshana.

Izabelo zabapristi lezamaLevi

44Ngalolosuku kwamiswa abantu bokuphatha izindlu zokulondoloza iziphiwo lezithelo zokuqala lokwetshumi, lokuqoqa izabelo zabapristi lezamaLevi ezimiswe ngumlayo ngamasimu emizi. Bonke abakoJuda babethokoza kakhulu ngokukhonza kwabapristi lamaLevi,

45ngoba bayenza inkonzo kaNkulunkulu wabo lenkonzo yokuhlambulula. Abahlabeleli labalindi bamasango labo benza umsebenzi wabo, njengokumisa kukaDavida lendodana yakhe uSolomoni.1 Lan 25:1–8; 26:12

46Ngoba ensukwini zikaDavida uAsafi wabekwa waba yinduna yabahlabeleli bokudumisa lokubonga uNkulunkulu.

47Ensukwini zikaZerubabeli loNehemiya bonke abakoIsrayeli banika isabelo sensuku zonke esabahlabeleli lesabalindi bamasango; bahlukanisela amaLevi lokho okungokwawo, lamaLevi ahlukanisela abakoAroni lokho okungokwabo.