Hubo 41 - Ndebele Bible (iBhayibhili Elingcwele) 1978

Umkhuleko wokucela ukusiliswa ekuguleni

1Ubusisiwe onanzelela ababuthakathaka.

INkosi iyamkhulula ngosuku olubi;

2iNkosi iyamlondoloza imphilise;

ungobusisiweyo emhlabeni;

kayimnikeli entandweni yezitha zakhe.

3INkosi iyamlondoloza ekuguleni kwakhe,

iyamsilisa kuyo yonke imikhuhlane yakhe.

4Minake ngathi: Nkosi, woba lomusa kimi, ungisilise,

ngoba ngonile kuwe.

5Izitha zikhuluma okubi ngami zisithi:

Uzakufa nini, lebizo lakhe licime na?

6Lalapho kufika ozengibona, ukhuluma amanga,

ubutha okubi ngami kuthi esephumile akhulume ngakho.

7Bonke abangizondayo banyenyezelana ngami,

bangisongele ngokubi,

8besithi: Kumbambe kubi;

kasayikuvuka futhi lapho alele khona.

9Yebo, lomngane wami engimthembayo,

obekade esidla ukudla kwami, ungivukele.

10Kodwa, wena Nkosi, woba lomusa kimi,

ungilulamise ukuze ngibaphindisele.

11Ngalokhu ngiyazi ukuthi uyangithanda,

ngoba isitha sami kasingahlulanga.

12Kodwa wena ungiqinisile ngenxa yobuqotho bami,

wangimisa phambi kwakho kuze kube nininini.

13Kayibongwe iNkosi, uNkulunkulu kaIsrayeli,

kusukela endulo kuze kube nininini.

Ameni, Ameni.