Hubo 112 - Ndebele Bible (iBhayibhili Elingcwele) 1978

Inhlanhla yomuntu oyesabayo iNkosi

1Dumisani iNkosi!

Ubusisiwe umuntu oyesabayo iNkosi,

othokoza kakhulu ngemithetho yayo.

2Inzalo yakhe izakuba lamandla emhlabeni;

isizukulwana sabaqotho sizakubusiswa.

3Imfuyo lenotho kuzaba sendlini yakhe,

lokulunga kwakhe kuzahlala kuze kube nininini.

4Kuyabaphumela abaqotho ukukhanya emnyameni,

labo abalomusa lesihawu lokulunga.

5Kuyamlungela umuntu ophanayo lowebolekisayo,

owenza izinto zakhe ngokulunga.

6Ngoba olungileyo kayikunyikinywa;

uzakukhunjulwa kuze kube nini lanini.

7Kesabi imibiko emibi,

inhliziyo yakhe iqinile, ithemba eNkosini.

8Imisekile inhliziyo yakhe, kayikwesaba,

ukuze abone akufisayo ngezitha zakhe.

9Uphana kakhulu, ubanika abayanga;

ukulunga kwakhe kuhlala kuze kube nininini;

uyaphakanyiswa ngodumo.

10Omubi uyakubona lokhu, athukuthele;

agedle amazinyo akhe, anyamalale;

ukufisa komubi kuphelela ezeni.