Isa 64 - Ndebele Bible (iBhayibhili Elingcwele) 1978

1Kungathi ungadabula iphezulu, wehlele phansi,

izintaba zinyikinyeke ekufikeni kwakho,

2njengomlilo utshisa insaba,

lalapho ubilisa amanzi,

ukuze wazise izitha zakho ibizo lakho,

uzenze zithuthumele phambi kwakho,

3ngezenzo zakho ezesabekayo ezingazanga zicatshangwe.

4Kusukela endulo abantu kabezwanga,

futhi kababonanga uNkulunkulu onjengawe,

osebenzela labo abamthembayo.

5Ulomusa kulabo abenza ukulunga,

abananzelela indlela zakho.

Wasithukuthelela, kodwa saqhubeka ekoneni;

phezu kwakho konke sonile kusukela endulo.

6Sonke sesinjengomuntu ongcolileyo,

lezenzo zethu ezilungileyo zinjengengubo engeolileyo.

Sonke siyabuna njengehlamvu,

lobubi bethu buyasiphephula njengomoya.

7Kakho okhuleka ebizweni lakho,

lozamayo ukubambelela kuwe;

ngoba usifihlele ubuso bakho,

wasinikela ebubini bethu.

8Kanti, Nkosi, wena ungubaba;

thina silibumba, wena ungumbumbi wethu;

sonke singumsebenzi wezandla zakho.

9Ungathukutheli kakhulu, Nkosi,

ungakhumbuli ububi kokuphela.

Khumbula ukuba thina sonke singabantu bakho.

10Imizi yakho engcwele isiphenduke yaba yinkangala,

iZiyone seliphenduke laba yinkangala,

iJerusalema selichithekile.

11Indlu yethu engcwele lemangalisayo,

lapho obaba babekudumisela khona,

itshisiwe ngomlilo,

lazo zonke indawo zethu ezithandekayo sezingamanxiwa.

12Uzakuzithinta kukho konke lokhu, Nkosi na?

Uzakuthula, usihluphe kakhulu na?