Mark 4 - Ndebele Bible (iBhayibhili Elingcwele) 1978

Umfanekiso womhlanyeli(Mat 13:1–9; Luka 8:4–8)

1Wabuya waqala ukufundisa ngasolwandle. Kwabuthana kuye ixuku elikhulu, waze wangena emkolweni, wahlala kuwo olwandle; ixuku lonke lalisemhlabathini ngasolwandle.Ukuchasisa umfanekiso womhlanyeli(Mat 13:18–23; Luka 8:11–15)

13Wasesithi kubo; Kaliwazi lumfanekiso na? Pho, lizakuyazi kanjani imifanekiso yonke na?

14Umhlanyeli uhlanyela ilizwi.

15Abangasendleleni yilabo abathi lapho kuhlanyelwa khona ilizwi, lanxa belizwa, uSathane afike masinyane, alisuse ilizwi elihlanyelwe kubo.

16Kunjalo abahlanyelwe edwaleni yilabo abathi lapho besizwa ilizwi, balamukele ngokuthokoza;

17kodwa kabalampande phakathi kwabo, bahlala isikhatshana, kuthi sekufika inkathazo lenhlupheko ngenxa yelizwi, bakhubeke masinyane.

18Abanye yilabo abahlanyelwe emeveni; yibo abalizwayo ilizwi,

19kodwa ukuphisekela izinto zalumhlaba, lokukhohliswa yinotho, lenkanuko yezinye izinto kungene kuminyanise ilizwi, ukuze lingatheli.

20Labahlanyelwe emhlabathini omuhle yilabo abathi belizwile ilizwi, balamukele, bathele amatshumi amathathu, lamatshumi ayisithupha, lekhulu.

Umfanekiso wesibane lowenhlanyelo(Mat 13:31–35; Luka 8:16–18; 13:18–19)

21Wasesithi kubo: Isibane silethwa ukuba sibekwe ngaphansi kwesitsha ingabe ngaphansi kwethala yini, kasibekwa esiqobaneni na?

26Wasesithi: Umbuso kaNkulunkulu unje; njengokuba umuntu ephosa inhlanyelo emhlabathini,

27alale, avuke ebusuku lemini, inhlanyelo imile, ikhule, kakwazi ukuba ikhula kanjani.

28Umhlabathi uyathela ngokwawo, kuqala ikhaba, kulandele isikhwebu, andubana kulandele amabele apheleleyo esikhwetshini.

29Nxa esevuthiwe amabele, ufaka ingqamu masinyane, ngoba ukuvuna sekufikile.

30Wathi futhi: Sizakuwufanisa lani umbuso kaNkulunkulu? Sizakuwuchasisa ngomfanekiso bani?

31Unjengohlamvu lwemastade luhlanyelwa emhlabathini, luluncinyane kulazo zonke inhlamvu ezisemhlabeni,

32kodwa nxa seluhlanyelwe lumila lukhule lube lukhulu ukudlula izihlahlana zonke, lukhuphe ingatsha ezinkulu, ukuze inyoni zaphezulu zakhele emthunzini wazo.

33Walikhuluma kubo ilizwi ngemifanekiso eminengi enjalo njengamandla abo okuzwa;

34ngaphandle komfanekiso kakhulumanga lutho kubo; kodwa ensitha, wachasisela abafundi bakhe izinto zonke.

Ukuthuliswa kwesiphepha(Mat 8:23–27; Luka 8:22–25)

35Ngalolosuku sekuhlwile, wathi kubo: Asiwelele ngaphetsheya.

36Ngakho batshiya ixuku, bamthatha bahamba laye, njengalokho ebesemkolweni; eminye imikolo yayilaye.

37Kwavuka isiphepha esikhulu somoya, amavinqo aphoseka emkolweni, waze waqala ukugcwala.

38Kodwa yena wayelele emqamelweni ngemuva; bamvusa, bathi: Mfundisi, kawukhathali lokuba siyabhubha na?

39Wavuka, wakhuza umoya, wathi kulo ulwandle: Thula, uthi zwi! Umoya waqamuka, kwaba khona ukuthula okukhulu.

40Wathi kubo: Kungani lisesaba kangaka na? Kalikabi lakho ukukholwa na?

41Besaba kakhulu, bathi omunye komunye: Kanti ungubani lo, ukuba umoya lolwandle kumlalele?