Eks 25 - Ndebele Bible (iBhayibhili Elingcwele) 1978

Ukunikela umnikelo eNkosini

1INkosi yasikhuluma kuMose,

2yathi: Khuluma labakoIsrayeli ukuze bangenzele umnikelo; kubo bonke abantu abavumayo ungithathele umnikelo.

3Nanku umnikelo ozakuwuthatha kubo, igolide lesiliva lethusi,

4lelembu eliluhlaza leliyibubende lelibomvu, lelembu elihle, loboya bembuzi,

5lezikhumba ezibomvu zezinqama, lezinzwezwe, lezihlahla zomvagazi,

6lamafutha ezibane, lamakha amagcobo okugcoba lawempepha elephunga elimnandi,

7lamatshe athiwa ngamaonikse lamatshe amahle okubekwa engutsheni yamahlombe lasengutsheni yesifuba.

8Kabangenzele indlu engcwele ukuba ngihlale phakathi kwabo.

9Ngakho yenzeni lindlu lempahla yayo yonke njengesifanekiso engikutshengise sona.

Umtshokotsho wesivumelwano

10Yenza umtshokotsho ngesihlahla somvagazi, ubude bawo bube zingalo ezimbili lengxenye, ububanzi bawo bube yingalo lengxenye, lokudepha kwawo kube yingalo lengxenye. Uluthi lwesibane lwegolide

31Uzakwenza uluthi lwesibane ngegolide elihle; ulwenze kanye lesidindi salo lomzimba walo kube ngumsebenzi okhandiweyo, imbizana zalo lezinduku zalo lamaluba alo ukwenze kube yintonye kanye lalo.

32Lube lengatsha eziyisithupha eziphuma emzimbeni walo, ingatsha ezintathu ziphume kolunye uhlangothi, lengatsha ezintathu ziphume kolunye uhlangothi.

33Yilolo lalolo ugatsha lube lezimbizana ezintathu ezenziwe zafana lamaluba esihlahla sealimondi, kanye lesiduku leluba; kube njalo kuzo zonke ingatsha eziyisithupha eziphuma oluthini lwesibane.

34Oluthini lwesibane kube khona imbizana ezine ezenziwe zafana lamaluba esihlahla sealimondi, yileyo laleyo ibe lesiduku leluba;

35kube lesiduku ngaphansi kwengatsha ezimbili esixhumene kanye lazo, kuphindwe futhi ngaphansi kwengatsha ezinye ezimbili langaphansi kwezinye ezimbili njalo, kube njalo kuzo zonke ingatsha eziyisithupha eziphuma oluthini lwesibane.

36Iziduku lezingatsha zizakuba yintonye kanye lalo, kube ngumsebenzi munye okhandiweyo wegolide elihle.

37Uzalwenzela izibane eziyisikhombisa ezizamiswa ukuba zikhanyise phambi kwalo.

38Indlawu zazo lemiganu yazo kuzakwenziwa ngegolide elihle.

39Kalwenziwe ngegolide elihle lethalenta elilodwa kanye lazo zonke lezizinto.

40Nanzelela ukuthi uzenze zibe njengesifanekiso sazo owatshengiswa sona entabeni.