2 Kajohane 1 - Ndebele Bible (iBhayibhili Elingcwele) 1978

Isibingelelo

1Mina omdala, ngilobela yona inkosikazi ekhethiweyo labantwana bayo engibathanda ngeqiniso, kungesimi ngedwa kodwa labo bonke abalaziyo iqiniso,

2ngenxa yeqiniso elihlala kithi lelizakuba lathi kuze kube nininini,

3ngithi: Kuzakuba lathi umusa lesihawu lokuthula okuvela kuNkulunkulu uBaba lakuJesu Kristu iNdodana kaBaba, ngeqiniso langothando.

Iqiniso lothando

4Ngathokoza kakhulu ngoba ebantwaneni bakho ngifumene abathile abahamba eqinisweni, njengokulaywa kwethu nguBaba.

5Ngakhoke ngiyakuncenga, nkosikazi, kungesikho ukuthi ngikulobela umlayo omutsha, kodwa wona lowo esasilawo kusukela ekuqaleni owokuthi asithandane.Joha 13:34; 15:12, 17

6Yilolu uthando ukuba sihambe ngemilayo yakhe; yilo umlayo ukuba lihambe ngothando, njengoba lawuzwa kusukela ekuqaleni.

7Ngoba abakhohlisi abanengi baphumele emhlabeni, abantu abangavumiyo ukuthi uJesu Kristu weza waba ngumuntu. Lababantu bangabakhohlisi labaphikukristu.

8Qaphelani ukuze lingalahlekelwa ngeselikusebenzele, kodwa lamukele umvuzo opheleleyo.

9Lowo oweqisayo, angemi ekufundiseni kukaKristu, kalaye uNkulunkulu; ohlala ekufundiseni kukaKristu lowo ulaye uBaba leNdodana.

10Uba kufika umuntu kini engalethi lokhukufundisa, lingamngenisi endlini, futhi lingambingeleli;

11ngoba lowo ombingelelayo uhlanganyela laye emisebenzini yakhe emibi.

Isicino

12Lanxa ngilokunengi engingalilobela ngakho, kangithandi ukukuloba ephepheni ngeyinki, kodwa ngithemba ukuza kini, ngikhulume lani sikhangelene, ukuze ukuthokoza kwethu kuphelele.

13Abantwana bakadadewenu okhethiweyo bayakubingelela.