1Ekuthwaseni komnyaka ngesikhathi sokuhlasela kwamakhosi uJowabi wakhokhela impi, wahlasela ilizwe lamaAmoni, wavimbezela iRaba. Kodwa uDavida wayesele eJerusalema. UJowabi walihlasela iRaba, walichitha.2 Sam 12:26–31 2 Sam 11:1
2UDavida wathatha umqhele kankulunkulu wawo uMilkomu owawusekhanda lakhe, owawenziwe ngegolide elinzima kakhulu, owawulelitshe eliligugu, wawubeka kwelakhe ikhanda. Wathatha emzini lowo impango enkulu kakhulu.
3Wakhupha abantu ababephakathi kwawo, wabasebenzisa ngamasaha langamapiki langamahloka ensimbi. Wenza njaloke uDavida kuyo yonke imizi yamaAmoni; wasebuyela eJerusalema labo bonke abantu.
Abantu bakaDavida babulala iziqhwaga4Emva kwalokho kwaba khona impi lamaFilistiya eGezeri; uSibekayi waseHushathi wabulala uSiphayi omunye wabantwana beziqhwaga; amaFilistiya ahlulwa.
5Kwaba khona impi futhi lamaFilistiya; uElihanani indodana kaJayiri wabulala uLahimi umfowabo kaGoliyathi waseGithi, oluthi lomkhonto wakhe lwalungangogodo lomaluki.1 Sam 17:4–7
6Kwabuye kwaba khona impi eGathi lapho kwakukhona umuntu omude owayeleminwe eyisithupha esandleni, lamazwane ayisithupha onyaweni, kungamatshumi amabili lane kukonke; laye wayengomunye wabantwana beziqhwaga.
7Lapho eseyisa uIsrayeli, uJonathani indodana kaShimeya, umfowabo kaDavida, wambulala.
8Labo babezalwa yiziqhwaga eGathi; bonke babulawa nguDavida layizinceku zakhe.
Who We AreWhat We EelieveWhat We Do
2025 by iamachristian.org,Inc All rights reserved.
