1Ngasengibona ngasemkhathini owawungaphezu kwamakherubi okunjengelitshe elithiwa yisafire kufana lesihlalo sobukhosi.
3 Amakherubi ayemi ngaseningizimu kwethempeli ekungeneni kwalowomuntu, lamayezi ayegcwele egumeni elingaphakathi.
4Inkazimulo yeNkosi yasuka emakherubini, yaya ngasemnyango wethempeli; ithempeli lagcwala amayezi, leguma lagcwala ukukhanya kwenkazimulo yeNkosi.
5Umdumo wempiko zamakherubi wezwakala lasegumeni elingaphandle, njengelizwi likaNkulunkulu uSomandla nxa ekhuluma.
6Lapho iNkosi imtshela umuntu ogqoke ilembu elihle isithi: Thatha umlilo phakathi kwamavili atshibilikayo phakathi kwamakherubi; wangena wema phansi kwevili.
7Elinye lamakherubi lelulela isandla salo emlilweni owawuphakathi kwamakherubi, lawuthatha, lawufaka ezandleni zalowomuntu owayembethe ilembu elihle; yena wawuthatha, waphuma.
8Kwabonakala kiwo amakherubi okufana lesandla somuntu kungaphansi kwempiko zawo.
9Ngakhangela ngabona amavili amane eceleni kwamakherubi, ivili elilodwa liphansi kwekherubi ngalinye. Amavili ayecwazimula njengelitshe elithiwa yitopazi.
15 Amakherubi aphakamake, ayeyizo izidalwa eziphilayo engazibona ngasemfuleni iKebari.
16Lapho amakherubi ehamba, lamavili ahamba eceleni kwawo; lalapho amakherubi ephakamisa impiko zawo ukuba aphaphe, amavili kawasukanga kiwo.
17Lapho esima, lawo ema; lalapho ephakama, lawo aphakama; ngoba umoya wezidalwa eziphilayo wawukiwo.
18Yasisuka inkazimulo yeNkosi ngasemnyango wethempeli, yema ngaphezu kwamakherubi.
19Amakherubi aphakamisa impiko zawo, asuka phansi ngiwabona, lamavili ehamba lawo, aze ema ngasesangweni elingasempumalanga kwethempeli; inkazimulo kaNkulunkulu kaIsrayeli yayingaphezu kwawo.
20Yizo lezi izidalwa eziphilayo engazibona ngaphansi kukaNkulunkulu kaIsrayeli ngasemfuleni iKebari; ngazi ukuthi ngamakherubi.
21Zonke zazilobuso obune, zilempiko ezine, langaphansi kwempiko zazo kwakukhona okufana lezandla zomuntu.
22Ubuso bazo babunjengalobo engabubona embonweni ngasemfuleni iKebari. Zazihamba zonke ziqonda phambili.
Who We AreWhat We EelieveWhat We Do
2025 by iamachristian.org,Inc All rights reserved.
