1Futhi khumbula uMenzi wakho ensukwini zobutsha bakho zingakafiki insuku ezimbi, ingakasondeli iminyaka, lapho uzakuthi: Kangithokozi ngayo.
2Mkhumbule kungakafiphali ilanga lenyanga lezinkanyezi lamayezi engakabuyi lezulu
3lapho abagcini bendlu bezakuthuthumela, lamadoda alamandla akhokhobe, labacholayo bengasacholi ngoba sebebalutshwana, lalabo abalunguza ngamawindi bafiphale,
4kuvalwe izivalo zomnyango, lapho umsindo wokuchola usuncipha, lokukhala kwentaka sekuncipha, lokuhlabela ingoma sekuphela,
5lapho abantu sebesesaba ukukhwela umqanso, sebesesaba lokuhamba, lapho isihlahla sesilempoko ezimhlophe, lentothoviyane isitotoba, lenhliziyo isimnyama. Ngoba umuntu usesiya ekhaya lakhe elingapheliyo, labalilayo sebezulazula endleleni.
6Umkhumbule kungakaqamuki intambo yesiliva, kungakafi isibane segolide, lembiza ingakaphahlazeki emthonjeni, lendirayo ingakephuki emgodini wamanzi,
7lothuli lungakabuyeli emhlabathini lapho lwavela khona, lomoya ubuyela kuNkulunkulu owawunikayo.
8Ize leze, kutsho umtshumayeli, konke kulize.
9Ngokuhlakanipha umtshumayeli wabafundisa abantu ulwazi, esecabangile wafunda walungisa izaga ezinengi.
10Umtshumayeli wazama ukugwala ngendlela ekholisayo, waloba imicabango eliqiniso ngendlela eqondileyo.
11Amazwi abahlakaniphileyo anjengencijo lanjengezipikili ezibethelwe zatshona; ayalikhokhela ibandla ngoba avela kumalusi munye.
12Nansi esinye isixwayiso, mntanami; ukwenziwa kwezingwalo kakupheli, lokufunda okunengi kuyadinisa.
13Nanko ukuphela kwendaba. Usuyizwile yonke. Mesabe uNkulunkulu, ulalele imilayo yakhe; kakukho okwedlula lokho emuntwini.
14Ngoba uNkulunkulu uzakwahlulela konke esikwenzayo layo yonke imfihlo, okuhle lokubi.
Who We AreWhat We EelieveWhat We Do
2025 by iamachristian.org,Inc All rights reserved.
