1UJehoshafati inkosi yakoJuda wabuyela kuhle emzini wakhe eJerusalema.
2UJehu indodana kaHanani umboni waphuma ukumhlangabeza, wathi kuye: Kufanele yini ukuba usize ababi, ubathande labo abazonda iNkosi na? Ngenxa yalokhu ulaka lweNkosi luzakwehlela phezu kwakho.
3Kodwake kusekhona okuhle okuthile kuwe, ngoba uziqedile insika zikankulunkulukazi uAshera elizweni, wayimisela inhliziyo yakho ukumdinga uNkulunkulu.
UJehoshafati umisa abahluleli4UJehoshafati wayehlala eJerusalema; wabuya waphuma wahambela abantu bakhe, kusukela eBerisheba kusiya entabeni zakoEfrayimi, wababuyisela eNkosini, uNkulunkulu wabokhokho babo.
5Wabeka abahluleli elizweni kuyo yonke imizi ebiyelweyo yakoJuda, kulowo lalowomuzi,
6wathi kibo: Linanzelele elikwenzayo, ngoba kalahluleli ebizweni lomuntu kodwa eleNkosi uNkulunkulu; yona izalisiza ekwahluleleni.
7Ngakho liyesabe iNkosi, linanzelele elikwenzayo, ngoba iNkosi uNkulunkulu wethu kayiyikuvumela ukuhlanekelwa kokulunga, lokubandlulula abantu, lokuthengwa.
8EJerusalema uJehoshafati wabeka amaLevi athile labapristi lenhloko zezindlu zakoIsrayeli ukuba bahlulele ebizweni leNkosi uNkulunkulu, balamule lemibango yabaseJerusalema;
9uJehoshafati wathi kibo: Kumele likwenze konke ngokuyesaba iNkosi, ngobuqotho langenhliziyonye.
10Wonke amacala eza kini evela ezihlotshweni zenu kuyo yonke imizi ezihlala kuyo, loba kungamacala okuchitha igazi ingabe awokwaphula imilayo lemilayezelo lemithetho lezimiso, lizabaxwayisa ukuba bangoni eNkosini, funa ulaka lwayo lwehlele phezu kwenu lezihlobo zenu. Uba lisenza njalo kaliyikuba lacala.
11UAmariya umpristi omkhulu nguye ongumphathi wenu kuzo zonke indaba zokholo; uZebediya indodana kaIshmayeli, umbusi wendlu yakoJuda, nguye oliphetheyo ezindabeni zonke zobuntu; lamaLevi azakuba zinduna zenu. Libe lesibindi ekwenzeni kwenu; iNkosi ibe ngakulabo abaqotho!
Who We AreWhat We EelieveWhat We Do
2025 by iamachristian.org,Inc All rights reserved.
