1Kwathike singase lakubekezela, sathi kuhle ukuba sisale sodwa eAtene,Seb 17:15
2sathuma uTimothi umzalwane wethu, lesikhonzi sikaNkulunkulu evangelini likaKristu, ukuba aliqinise ekukholweni kwenu lokuba alikhuthaze,
3ukuba kungawiswa lamunye wenu ngalezizinhlupheko; ngoba liyazi lina simiselwe lokhu.
4Ngoba kwathi siselani, salitshela ngaphambili ukuthi sizakuhlupheka, njengoba kwaba njalo, lani liyakwazi.
5Ngenxa yalokhu, ngingaselamandla okubekezela, ngathumela ukuba ngazi ukukholwa kwenu, ngoba ngesaba ukuthi mhlawumbe umlingi ulilingile, lokuthi umsebenzi wethu ube yize.
UPawuli uyathokoza, uyabakhulekela6Kodwa khathesi uTimothi usefikile kithi evela kini, usibikela indaba ezinhle zokukholwa lothando lwenu, lokuthi lihlala lisikhumbula kuhle, lifisa ukusibona njengoba lathi sifisa ukulibona.Seb 18:5
7Ngalokhoke, bazalwane, saduduzeka ngani ngokukholwa kwenu osizini lasekuhluphekeni kwethu,
8ngoba khathesi siyavuselelwa, uba lina limi liqinile eNkosini.
9Singambonga kanjani uNkulunkulu ngokuthokoza konke esithokoza ngakho phambi kukaNkulunkulu wethu ngenxa yenu na?
10Ebusuku lemini siyakhuleka ukuba sibonane lani, siphelelise okusileleyo ekukholweni kwenu.
11Kungathi uNkulunkulu loBaba uqobo leNkosi yethu uJesu angayiqondisa indlela yethu yokuza kini;
12leNkosi ikhulise uthando lwenu, omunye komunye lakubo bonke abantu, njengokuba sinjalo thina kini,
13ukuze iqinise inhliziyo zenu, zingabi lakusoleka ebungcweleni phambi kukaNkulunkulu uBaba ekufikeni kweNkosi uJesu kanye labantu bakhe bonke.
Who We AreWhat We EelieveWhat We Do
2025 by iamachristian.org,Inc All rights reserved.
