Hubo 143 - Ndebele Bible (iBhayibhili Elingcwele) 1978

Ukukhulekela ukukhululwa lokuholwa

1Nkosi, zwana umkhuleko wami,

ulalele ukunxusa kwami.

Ungiphendule ngobuqotho bakho, ekulungeni kwakho.

2Ungayahluleli inceku yakho,

ngoba phambi kwakho kakho loyedwa olungileyo.

3Isitha singizingele,

sangicindezela emhlabathini,

sangenza ngihlale emnyameni njengabakade bafa.

4Ngakhoke umoya wami uphela amandla phakathi kwami,

lenhliziyo yami ithithibele phakathi kwami.

5Ngiyakhumbula insuku zakudala,

ngicabange ngakho konke owakwenzayo,

nginakane ngokwenziwa yizandla zakho.

6Ngelulele izandla zami kuwe;

umphefumulo wami ukomele wena njengomhlaba owomileyo.

7Phangisa ungiphendule, Nkosi;

umoya wami uyaphela.

Ungangifihleli ubuso bakho,

funa ngibe njengalabo abafileyo.

8Ngazisa uthando lwakho olungapheliyo ekuseni,

ngoba ngiyathemba kuwe.

Ungifundise indlela engingahamba ngayo,

ngoba ngiyaphakamisela kuwe umphefumulo wami.

9Ngikhulula ezitheni zami, Nkosi; ngiphephele kuwe.

10Ngifundisa ukwenza intando yakho,

ngoba wena unguNkulunkulu wami.

Umoya wakho omuhle kawungihole endleleni enhle.

11Nkosi, ngisiza ngenxa yebizo lakho.

Ngokulunga kwakho ungikhuphe ekuhluphekeni;

12ngothando lwakho olungapheliyo uzichithe izitha zami,

ubhubhise bonke abamelana lami,

ngoba ngiyinceku yakho.