Hubo 26 - Ndebele Bible (iBhayibhili Elingcwele) 1978

Umuntu ongelacala ukhulekela ukwahlulelwa

1Ngahlulela, Nkosi,

ngoba ngihambe ngobuqotho,

ngithembe kuwe ngingathandabuzi.

2Ngihlola, Nkosi, ungilinge,

uhlole inhliziyo yami lengqondo yami.

3Ngoba uthando lwakho olungapheliyo luphambi kwamehlo ami,

ngihamba ngokuthembeka kuwe.

4Kangihlali labantu abangathembekanga,

kangihambelani labazenzisayo.

5Ngiyazonda umhlangano wabenza okubi,

kangihlali lababi.

6Ngiyageza izandla zami ngingelalo icala,

ngizingeleze ialtare lakho, Nkosi,

7ngihlabele ingoma yokubonga,

ngizwakalise zonke izenzo zakho ezimangalisayo.

8Ngiyayithanda indlu lapha uhlala khona,

indawo lapho kuhlezi khona inkazimulo yakho.

9Ungangikhukhuli kanye lezoni,

lokuphila kwami kanye labantu abathanda ukuchitha igazi,

10abantu abazandla zabo zenza okubi,

lezandla zabo zokunene zigcwele inkohliso.

11Kodwa mina ngihamba ngobuqotho;

ngihlenga, Nkosi, ube lomusa kimi.

12Unyawo lwami lumi endaweni enhle;

ngizakuyidumisa iNkosi ngisebandleni elikhulu.