Hez 25 - Ndebele Bible (iBhayibhili Elingcwele) 1978

Ilizwi leNkosi ngamaAmoni

1Ilizwi leNkosi lafika kimi lathi:Jer 49:1–6; Hez 21:28–32; Amos 1:13–15; Zef 2:8–11

2Ndoda, khangela kumaAmoni, utshumayele ngawo.

3Uthi kuwo: Zwanini ilizwi leNkosi uNkulunkulu; ithi: Ngoba lathi: Iya! nxa libona indlu yami engcwele ingcoliswa, lelizwe lakoIsrayeli lichitheka, loJuda ethunjwa,

4ngalokho ngizalinikela ebantwini basempumalanga ukuba balibuse; bazamisa izihonqo zabo phakathi kwenu, benze imizi yabo phakathi kwenu; bazakudla izithelo zenu, banathe lochago lwenu.

5Ngizakwenza iRaba libe lidlelo lamakamela, lemizi yamaAmoni ibe yisibaya semihlambi. Ng’khona lizakwazi ukuthi ngiyiNkosi.

6INkosi uNkulunkulu ithi: Ngoba uqakezile izandla zakho, wagida ngenyawo zakho, wathokoza ugcwele umona ngelizwe lakoIsrayeli,

7ngalokho ngizakukuphakamisela isandla sami, ngikunikele ube yimpango yezizwe, ngikukhuphe ezizweni, ngikuqede kuwo wonke amazwe, ngikuchithe nya. Ng’khona uzakwazi ukuba ngiyiNkosi.

Ilizwi leNkosi ngeMowabi

8INkosi uNkulunkulu ithi: Ngoba iMowabi lathi: UJuda uyafana nje lazo zonke ezinye izizwe;Isa 15:1—16:14; 25:10–12; Jer 48:1–47; Amos 2:1–3; Zef 2:8–11

9ngalokho ngizachaya umkhawulo waseMowabi ukuba imizi esemngceleni eligugu lelizwe inqotshwe, iBeti‐Jeshimothi, leBali‐Meyoni, leKiriyathayimi.

10Ngizanikela iMowabi lamaAmoni ebantwini basempumalanga ukuwabusa, ukuba amaAmoni angabe esakhunjulwa futhi phakathi kwezizwe,

11ngilithonisise iMowabi. Ng’khona bazakwazi ukuba ngiyiNkosi.

Ilizwi leNkosi ngeEdoma

12INkosi uNkulunkulu ithi: Ngoba iEdoma liphindisele koJuda, lonile kakhulu ngokuphindisela kwalo,Isa 34:5–17; 63:1–6; Jer 49:7–22; Hez 35:1–15; Amos 1:11–12; Obad 1–14; Mal 1:2–5

13ngalokho iNkosi uNkulunkulu ithi: Ngizaphakamisela isandla sami ngakilo iEdoma, ngiqede kilo abantu lezinyamazana, ngilenze libe yinkangala; kusukela eTemani kuze kufike eDedani bazabulawa yimpi.

14Ngizaphindisela kulo iEdoma ngesandla sabantu bami uIsrayeli, benze kilo okufanele ukuthukuthela kwami lolaka lwami; bazakwazi impindiselo yami, kutsho iNkosi uNkulunkulu.

Ilizwi leNkosi ngamaFilistiya

15INkosi uNkulunkulu ithi: Ngoba amaFilistiya ephindisele, aphindisela ezitheni ngolunya langenzondo engapheliyo, bazama ngamandla wonke ukuzichitha,Isa 14:29–31; Jer 47:1–7; Jow 3:4–8; Amos 1:6–8; Zef 2:4–7; Zek 9:5–7

16ngalokho, kutsho iNkosi uNkulunkulu, ngizaphakamisela isandla sami ngakuwo amaFilistiya, ngichithe abaseKerethi, ngibhubhise labo bonke abangasolwandle.

17Ngizabaphindisela ngokwesabekayo, ngibatshaye ekuthukutheleni kwami; lapho sengiphindisela, bazakwazi ukuba ngiyiNkosi.