1Nanka amabizo ezizwe. Kusukela ngasemngceleni ongasenyakatho, kusukela olwandle ngendlela yeHethiloni ngasekungeneni kweHamathi, kuze kufike eHazariEnoni, elingasemngceleni wasenyakatho kweDamaseko maqondana leHamathi, ngitsho kusukela empumalanga kusiya entshonalanga, uDani uzakuba lesigaba esisodwa.
2Kuxhuma endaweni kaDani, kusukela empumalanga kusiya entshonalanga uAsheri uzakuba lesigaba esisodwa.
3Kuxhuma endaweni kaAsheri, kusukela empumalanga kusiya entshonalanga uNafitali uzakuba lesigaba esisodwa.
4Kuxhuma endaweni kaNafitali, kusukela empumalanga kusiya entshonalanga uManase uzakuba lesigaba esisodwa.
5Kuxhuma endaweni kaManase, kusukela empumalanga kusiya entshonalanga uEfrayimi uzakuba lesigaba esisodwa.
6Kuxhuma endaweni kaEfrayimi, kusukela empumalanga kusiya entshonalanga uRubeni uzakuba lesigaba esisodwa.
7Kuxhuma endaweni kaRubeni, kusukela empumalanga kusiya entshonalanga uJuda uzakuba lesigaba esisodwa.
8Kuxhuma endaweni kaJuda, kusukela empumalanga kusiya entshonalanga kuzakuba yisigaba elizakusahlukanisela iNkosi, ububanzi baso bube zingalo eziyizinkulungwane ezingamatshumi amabili lanhlanu, ubude baso buzalingana lobesinye sezigaba zezizwe, kusukela empumalanga kusiya entshonalanga indlu engcwele izakuba phakathi kwaso.
9Isigaba elizakusahlukanisela iNkosi ubude baso bube zingalo eziyizinkulungwane ezingamatshumi amabili lanhlanu, lobubanzi baso bube zingalo eziyizinkulungwane ezingamatshumi amabili.
10Nanzi izabelo zezigaba ezingcwele. Abapristi bazakuba lesabelo esiyizingalo ezizinkulungwane ezingamatshumi amabili lanhlanu ngasenyakatho; ububanzi baso ngasentshonalanga bube zingalo ezizinkulungwane ezilitshumi, lobubanzi baso ngasempumalanga bube zingalo ezizinkulungwane ezilitshumi, lobude baso ngaseningizimu bube zingalo ezizinkulungwane ezingamatshumi amabili lanhlanu, indlu engcwele yeNkosi izakuba phakathi kwaso.
11Lesi sizakuba ngesabapristi abahlukaniselwa iNkosi, amadodana kaZadoki, abangikhonzayo abangaduhanga lapho abakoIsrayeli beduha njengokwenza kwamaLevi.
12Kuzakuba yisigaba sabo esikhethiweyo sivela esigabeni esingcwele selizwe, sibe yindawo engcwele kakhulu, sixhume endaweni yamaLevi.
13Eceleni kwendawo yabapristi amaLevi azakuba lesabelo, ubude baso bube zingalo eziyizinkulungwane ezingamatshumi amabili lanhlanu, lobubanzi baso bube zingalo eziyizinkulungwane ezilitshumi. Ubude baso bonke buzakuba zingalo eziyizinkulungwane ezingamatshumi amabili lanhlanu, lobubanzi baso bube zingalo eziyizinkulungwane ezingamatshumi amabili.
14Kabayikusithengisa, loba benanise ngaso, kabayikusinika abanye lesisigaba esihle selizwe, ngoba singcwele eNkosini.
15Indawo eseleyo, ububanzi bayo buzingalo ezizinkulungwane ezinhlanu, lobude bayo buzingalo ezizinkulungwane ezingamatshumi amabili lanhlanu, izasetshenziswa ngumuzi, ibe yindawo yokwakha, leganga. Phakathi kwayo kuzakuba khona umuzi.
16Nanzi izilinganiso zawo; ngasenyakatho uzakuba zingalo ezizinkulungwane ezine lamakhulu amahlanu, ngaseningizimu ube zingalo ezizinkulungwane ezine lamakhulu amahlanu, ngasempumalanga ube zingalo ezizinkulungwane ezine lamakhulu amahlanu, langasentshonalanga ube zingalo ezizinkulungwane ezine lamakhulu amahlanu.
17Umuzi uzakuba lamadlelo, ngasenyakatho abe zingalo ezingamakhulu amabili lamatshumi amahlanu, ngaseningizimu abe zingalo ezingamakhulu amabili lamatshumi amahlanu, ngasempumalanga abe zingalo ezingamakhulu amabili lamatshumi amahlanu, langasentshonalanga abe zingalo ezingamakhulu amabili lamatshumi amahlanu.
18Indawo eseleyo eceleni lesabelo esingcwele izakuba zingalo ezizinkulungwane ezilitshumi kusiya empumalanga, ibe zingalo ezizinkulungwane ezilitshumi kusiya entshonalanga, ibe seceleni kwesabelo esingcwele. Izithelo zayo zizakuba ngezokudliwa yizisebenzi zomuzi.
19Izisebenzi zomuzi ezivela kuzo zonke izizwe zakoIsrayeli zizakuyilima.
20Isabelo sonke elizakusahlukanisa sizakuba zingalo ezizinkulungwane ezingamatshumi amabili lanhlanu inxa zonke, ngitsho isabelo esingcwele ndawonye lempahla yonke yomuzi.
21Okuseleyo inxa zonke zesigaba esingcwele lenxa zonke zempahla zomuzi kuzakuba ngokwesikhulu. Kusukela ezingalweni ezizinkulungwane ezingamatshumi amabili lanhlanu zesigaba esingcwele ngasempumalanga komngcele, kusiya entshonalanga kusukela ezingalweni ezizinkulungwane ezingamatshumi amabili kusiya emngceleni wasempumalanga, kulinganisene lezigaba zezizwe, kuzakuba ngokwesikhulu. Isigaba esingcwele kanye lendawo engcwele yethempeli phakathi kwaso,
22lempahla yamaLevi lempahla yomuzi kuzakuba phakathi kwendawo yesikhulu. Isigaba sesikhulu sizakuba phakathi kwelizwe lakoJuda lakoBenjamini.
23Izizwe eziseleyo, kusukela empumalanga kusiya entshonalanga uBenjamini uzakuba lesigaba esisodwa.
24Kuxhuma endaweni kaBenjamini kusukela empumalanga kusiya entshonalanga uSimeyoni uzakuba lesigaba esisodwa.
25Kuxhuma endaweni kaSimeyoni kusukela empumalanga kusiya entshonalanga uIsakari uzakuba lesigaba esisodwa.
26Kuxhuma endaweni kaIsakari kusukela empumalanga kusiya entshonalanga uZebuluni uzakuba lesigaba esisodwa.
27Kuxhuma endaweni kaZebuluni kusukela empumalanga kusiya entshonalanga uGadi uzakuba lesigaba esisodwa.
28Kuxhuma endaweni kaGadi kusiya eningizimu, umngcele uzasuka eTamari usiya emanzini aseMeribathi‐Kadeshi, usuke lapho uhambe ngasemfuleni waseGibithe uye ngasoLwandle olukhulu.
29Yiloke ilizwe elizakulaba libe ngelenu phakathi kwezizwe zakoIsrayeli, yizo izigaba zabo, kutsho iNkosi uNkulunkulu.
Amasango eJerusalema30Nanzi intuba zomuzi zokuphuma; ngasenyakatho isilinganiso sakhona sizakuba zingalo eziyizinkulungwane ezine lamakhulu amahlanu,Isam 21:12–13
31kuzakuba lamasango amathathu, isango likaRubeni lesango likaJuda, lesango likaLevi, amasango omuzi azabizwa ngamabizo ezizwe zakoIsrayeli.
32Ngasempumalanga isilinganiso sakhona sizakuba zingalo eziyizinkulungwane ezine lamakhulu amahlanu, kuzakuba lamasango amathathu, isango likaJosefa lesango likaBenjamini lesango likaDani.
33Ngaseningizimu isilinganiso sakhona sizakuba zingalo eziyizinkulungwane ezine lamakhulu amahlanu, kuzakuba lamasango amathathu, isango likaSimeyoni lesango likaIsakari lesango likaZebuluni.
34Ngasentshonalanga isilinganiso sakhona sizakuba zingalo eziyizinkulungwane ezine lamakhulu amahlanu, kuzakuba lamasango amathathu, isango likaGadi lesango likaAsheri lesango likaNafitali.
35Inxa zonke zomuzi zizakuba zingalo eziyizinkulungwane ezilitshumi laficaminwembili. Ibizo lomuzi kusukela nje lizakuthiwa. INkosi ilapho.
Who We AreWhat We EelieveWhat We Do
2025 by iamachristian.org,Inc All rights reserved.
