Seb 2 - Ndebele Bible (iBhayibhili Elingcwele) 1978

Ukufika kukaMoya oNgcwele

1Kwathi selufikile usuku lwePentekoste, babebuthene ndawonye bonke.

18yebo, laphezu kwenceku zami lencekukazi zami

ngizakuthela uMoya wami ngalezonsuku, zizakwazisela.

19Ngizakuveza izimangaliso ezulwini phezulu,

lezibonakaliso emhlabeni phansi,

igazi, lomlilo, lokuthunqa kwentuthu.

20Ilanga lizakuphenduka umnyama,

lenyanga ibe ligazi,

lungakafiki usuku olukhulu loludumisekayo lweNkosi.

21Kuzakuthi ilowo lalowo obiza ibizo leNkosi, uzakusiliswa.

22Madoda akoIsrayeli, zwanini amazwi ami. UJesu waseNazaretha, umuntu ofakazelwe nguNkulunkulu phambi kwenu ngemisebenzi yamandla langezimangaliso langezibonakaliso uNkulunkulu azenza ngaye phakathi kwenu, njengalokhu lisazi lina uqobo lwenu,

23yena lo, esenikelwe ngecebo elimisiweyo langokwazi okuphambili kukaNkulunkulu, lambethela lina ngezandla zabangelamthetho, lambulala;

26Ngakhoke inhliziyo yami yajabula, lolimi lwami lwathokoza;

ngitsho lomzimba wami uzakuhlala ngokuthemba.

27Ngoba kawuyikuwutshiya umphefumulo wami endaweni yabafileyo,

njalo kawuyikuvuma ukuba ongcwele wakho abone ukubola.

28Wangazisa indlela zokuphila;

uzakungigcwalisa ngokujabula ebusweni bakho.

29Bazalwane, ake ngikhulume kini ngokucacileyo ngokhokho uDavida ukuthi wafa, wambelwa, leliba lakhe lisekhona kithi kuze kube lamuhla.

30Yena engumprofethi, ekwazi ukuthi uNkulunkulu wafunga ngesifungo kuye ukuba enzalweni yakhe uzakubeka omunye esihlalweni sakhe sobukhosi,

35ngize ngenze izitha zakho zibe yisigcabha senyawo zakho.

36Ngakho indlu kaIsrayeli yonke kayazi impela ukuthi uNkulunkulu umenzile iNkosi loKristu uJesu lo elambethelayo.

Ukuphenduka lokubhaphathizwa kwabazinkulungwane ezintathu

37Bathi ukuzwa lokhu bahlabeka enhliziyweni, bathi kuPetro lakwabanye abaphostoli: Bazalwane, senze njani na?

38UPetro wathi kubo: Phendukani, libhaphathizwe lonke ebizweni likaJesu Kristu ukuba lithethelelwe izono zenu; kung’khona lizakwamukela isiphiwo sikaMoya oNgcwele.

39Ngoba isithembiso ngesenu lesabantwana benu, lesabo bonke abakhatshana, bonke ezakubabizela kuyo iNkosi uNkulunkulu wethu.

40Wafakaza langamanye amazwi amanengi, wabalaya wathi: Zisiliseni kulesisizukulwana esiphambeneyo.

41Ngakho abalamukelayo ilizwi lakhe babhaphathizwa, kwengezelelwa ngalolosuku abantu abangaba zinkulungwane ezintathu.

Ibandla laseJerusalema

42Bakhuthalela ukufundisa kwabaphostoli, lokuhlangana lokuhlephula isinkwa, lokukhuleka.

43Wonke umuntu wehlelwa yikwesaba; kwenziwa ngabaphostoli izimangaliso lezibonakaliso ezinengi.

44Bonke abakholwayo babendawonye, behlanganyela izinto zonke;Seb 4:32–35

45bathengisa izinto zabo lempahla zabo, babelana bonke njengokuswela kwabo.

46Insuku ngensuku bakhuthalela nganhliziyonye ukuhlangana ethempelini, behlephula isinkwa emakhaya abo, badla ukudla kwabo ngentokozo langenhliziyo emhlophe,

47bedumisa uNkulunkulu, bethandeka ebantwini bonke. INkosi yengezelela kubo insuku ngensuku labo abasiliswayo.