1Kodwa kwavela abaprofethi bamanga phakathi kwabantu, njengokuba lakini kuzakuba khona abafundisi bamanga abazakungenisa ngensitha izifundiso ezichithayo, bephika iNkosi eyabathengayo, bezilethela ngokuphangisa ukuchitheka.
2Abanengi bazakulandela amanyala abo; langenxa yabo indlela yeqiniso izakuthukwa.
3Ekufiseni kwabo imali bazakuthengiselana ngani ngamazwi obuqili; ukulahlwa kwabo sekukade kusebenza phakathi kwabo, lokuchitheka kwabo kakuwozeli.
4UNkulunkulu kaziyekelanga izithunywa ezonayo, kodwa waziphosela esihogweni ezinikela emigodini yomnyama, ukuba zigcinwe kuze kube lusuku lokulahlwa.
5Kaliyekelanga ilizwe lasendulo mhla eletha uzamcolo emhlabeni oweyisa uNkulunkulu, kodwa walondoloza uNowa owayengumtshumayeli wokulunga kanye labanye abayisikhombisa.
Who We AreWhat We EelieveWhat We Do
2025 by iamachristian.org,Inc All rights reserved.
