Nani 33 - Ndebele Bible (iBhayibhili Elingcwele) 1978

Amabanga ohambo lwabakoIsrayeli

1Nanka amabanga ohambo lwabakoIsrayeli sebephumile elizweni laseGibithe ngamabandla abo, bekhokhelwa nguMose loAroni.

2UMose waloba ngokuhamba kwabo ngamabanga njengokulaya kweNkosi. Nanka amabanga ohambo lwabo.

3AbakoIsrayeli basuka eRamesesi ngosuku lwetshumi lanhlanu lwenyanga yokuqala; emva kwePhasika baphuma ngesibindi phambi kwawo wonke amaGibithe,

4amaGibithe esangcwaba wonke amazibulo awo, iNkosi eyawabulala phakathi kwawo, esahlulela onkulunkulu bawo.

5AbakoIsrayeli basuka eRamesesi, baya bamisa eSukothi.

6Basuka eSukothi, baya bamisa eEthama eliseceleni kwenkangala.

7Basuka eEthama, baphambukela ePihahirothi elingasempumalanga kweBali‐Zefoni, bamisa phambi kweMigidoli.

8Basuka ePihahirothi, badabula phakathi kolwandle besiya enkangala; bahamba uhambo lwensuku ezintathu enkangala yaseEthama, bamisa eMara.

9Basuka eMara, bayafika eElimi; kwakukhona eElimi imithombo yamanzi elitshumi lambili lezihlahla zelala ezingamatshumi ayisikhombisa; bamisa lapho.

10Basuka eElimi, baya bamisa ngasoLwandle oluBomvu.

11Basuka oLwandle oluBomvu, baya bamisa enkangala yaseSini.

12Basuka enkangala yaseSini, baya bamisa eDofika.

13Basuka eDofika, baya bamisa eAlushi.

14Basuka eAlushi, baya bamisa eRefidimi lapho babengelamanzi okunatha khona.

15Basuka eRefidimi, baya bamisa enkangala yaseSinayi.

16Basuka enkangala yaseSinayi, baya bamisa eKibirothi‐Hathava.

17Basuka eKibirothi‐Hathava, baya bamisa eHazerothi.

18Basuka eHazerothi, baya bamisa eRithima.

19Basuka eRithima, baya bamisa eRimoni‐Parezi.

20Basuka eRimoni‐Parezi, baya bamisa eLibina.

21Basuka eLibina, baya bamisa eRisa.

22Basuka eRisa, baya bamisa eKehelatha.

23Basuka eKehelatha, baya bamisa entabeni yaseSheferi.

24Basuka entabeni yaseSheferi, baya bamisa eHarada.

25Basuka eHarada, baya bamisa eMakelothi.

26Basuka eMakelothi, baya bamisa eTahathi.

27Basuka eTahathi, baya bamisa eTera.

28Basuka eTera, baya bamisa eMithika.

29Basuka eMithika, baya bamisa eHashimona.

30Basuka eHashimona, baya bamisa eMoserothi.

31Basuka eMoserothi, baya bamisa eBenejakani.

32Basuka eBenejakani, baya bamisa eHori‐Hagidigadi.

33Basuka eHori‐Hagidigadi, baya bamisa eJotibatha.

34Basuka eJotibatha, baya bamisa eAbrona.

35Basuka eAbrona, baya bamisa eEziyoni‐Geberi.

36Basuka eEziyoni‐Geberi, baya bamisa enkangala yaseZini, eliyiKadeshi.

37Basuka eKadeshi, baya bamisa entabeni yaseHori ngasemkhawulweni welizwe laseEdoma.

38UAroni umpristi wakhwela entabeni yaseHori ngokulaya kweNkosi, wafela khona ngomnyaka wamatshumi amane emva kokuphuma kwabantu bakoIsrayeli eGibithe, ngosuku lokuqala lwenyanga yesihlanu.

41Basuka entabeni yaseHori, baya bamisa eZalimona.

42Basuka eZalimona, baya bamisa ePunoni.

43Basuka ePunoni, baya bamisa eObothi.

44Basuka eObothi, baya bamisa eIye‐Abarimi, elizweni laseMowabi.

45Basuka eIyimi, baya bamisa eDibonigadi.

46Basuka eDibonigadi, baya bamisa eAlimoni‐Dibilathayimi.

47Basuka eAlimoni‐Dibilathayimi, baya bamisa entabeni zaseAbarimi, ngaphambi kweNebo.

48Basuka entabeni zaseAbarimi, baya bamisa emagcekeni aseMowabi ngaseJordani eduze leJeriko;

49bamisa ngaseJordani kusukela eBeti‐Jeshamothi kusiya eAbeli‐Shithimi, emagcekeni aseMowabi.

Imikhawulo yeKanani lezigaba zalo

50INkosi yakhuluma kuMose emagcekeni aseMowabi, ngaseJordani eduze leJeriko,

51yathi: Tshono ebantwini bakoIsrayeli uthi: Lapho liwela iJordani lingene elizweni laseKanani,

52xotshani bonke abakhileyo elizweni phambi kwenu, libulale wonke amatshe abo alemifanekiso, lichithe zonke izithombe zabo ezibunjiweyo, livale zonke indawo zabo eziphakemeyo zokukhonzela,

53lithumbe ilizwe, lihlale kilo, ngoba ngilinike ilizwe ukuba libe ngelenu.

54Lizakwahlukaniselana ilizwe ngenkatho ngensendo zenu, linike isizwe esikhulu ilizwe elikhulu, lesizwe esincinyane ilizwe elincinyane. Lapho inkatho emudla khona umuntu, leyondawo izakuba ngeyakhe. Ilizwe lizanikwa ngenkatho; zonke izizwe lazo zonke izindlu zizuze ilizwe.Nani 26:54–56

55Uba lingaxotshi abakhileyo elizweni phambi kwenu, labo elibavumela ukusala bazakuba njengendonsi emehlweni enu lanjengameva ezihlangothini zenu, balihluphe elizweni elihlala kilo.

56Mina ngizakwenza kini lokhu ebengicabanga ukukwenza kubo.