1Ngoba ilowo lalowo umpristi omkhulu okhethwa ebantwini umiselwa abantu ezintweni zikaNkulunkulu, ukuze anikele izipho lemihlatshelo ngenxa yezono;
2angababekezelela abangaziyo labaduhayo, lokhu laye ephethwe yibuthakathaka;
3ngenxa yalokhu kufanele ukuba, njengalokhu enikelela izono zabantu, anikelele lezakhe.
6Njengokuba esitsho futhi kwenye indawo ukuthi:
Wena ungumpristi kuze kube nini lanini
ngokwendlela kaMelkizedeki.
7Ensukwini zokuphila kwakhe uJesu wakhuleka, enxusa ngokukhala okukhulu langezinyembezi kuye olamandla okumkhulula ekufeni; wezwiwa ngenxa yokwesaba kwakhe uNkulunkulu.Mat 26:36–46; Mark 14:32–42; Luka 22:39–46
8Loba eyiNdodana, wafunda ukulalela ngalokho ahlupheka ngakho;
9lapho esephelelisiwe waba ngumthombo wokusiliswa okungapheliyo kibo bonke abamlalelayo,
10ebizwa nguNkulunkulu ngokuthi ungumpristi omkhulu ngokwendlela kaMelkizedeki.
11Silokunengi esingakutsho ngalokhu okulukhuni ukulichasisela, lokhu selaba buthundu enhliziyweni.
12Ngoba ngalesisikhathi beselifanele ukuba ngabafundisi; kodwa lisadinga futhi ukuba kube khona olifundisayo iziqalo zezifundiso zelizwi likaNkulunkulu. Lifanele uchago, kungesikho ukudla okuqinileyo.1 Kor 3:2
13Lowo odla uchago kakazi lutho ngezinto zokulunga, ngoba useyingane.
14Kodwa ukudla okuqinileyo kungokwabo abakhulileyo, asebejwayele ukusebenzisa ingqondo zabo, asebelakho ukwahlukanisa okuhle kokubi.
Who We AreWhat We EelieveWhat We Do
2025 by iamachristian.org,Inc All rights reserved.
