Mat 10 - Ndebele Bible (iBhayibhili Elingcwele) 1978

UJesu ubiza abaphostoli bakhe abalitshumi lambili(Mark 3:13–19; Luka 6:12–16)

1Wasebiza abafundi bakhe abalitshumi lambili, wabanika amandla phezu komoya ababi ukuba babakhuphe, lamandla okusilisa izifo zonke lemikhuhlane yonke.

2Amabizo abaphostoli abalitshumi lambili yiwo la; owokuqala nguSimoni othiwa uPetro, loAndreya umfowabo, loJakobe kaZebediya, loJohane umfowabo,

3loFiliphu, loBartolomewu, loTomasi, loMathewu umthelisi, loJakobe kaAlfewu, loTadewu,

4loSimoni umKanani, loJudasi Iskariyothi owamnikelayo.

Ukuthunywa kwabaphostoli(Mark 6:7–13; Luka 9:1–6)

5Laba abalitshumi lambili uJesu wabathuma, wabalaya esithi: Lingahambi ngendlela yabezizwe, lingangeni emzini wamaSamariya,

6kodwa yanini kakhulu kuzo izimvu ezilahlekileyo zendlu kaIsrayeli.

7Ekuhambeni kwenu tshumayelani lithi: Umbuso wezulu ususondele.Abaphostoli bazakuhlutshwa

16Khangelani, ngiyalithuma linjengezimvu phakathi kwempisi; ngakho hlakaniphani njengezinyoka, libe ngabangoni lutho njengamajuba.UJesu uxwayisa abafundi bakhe(Luka 12:2–9)

26Ngakhoke lingabesabi; ngoba kakukho okufihliweyo okungayikubonakaliswa, lokuthukuziweyo okungayikwaziwa.Izibonakaliso zezikhathi(Luka 12:49–53; 14:26, 27)

34Lingathi ngize ukuletha ukuthula emhlabeni; angizanga ukuletha ukuthula kodwa umkhonto.

35Ngoba ngize ukuxabanisa umuntu loyise, lendodakazi lonina, lomalokazana loninazala.Mika 7:6

36Lezitha zomuntu kuzakuba ngabendlu yakhe.

37Othanda uyise ingabe unina kulami kafanele mina; lothanda indodana ingabe indodakazi kulami kafanele mina:

38longathathi isiphambano sakhe, angilandele, kafanele mina.Mat 16:24; Mark 8:34; Luka 9:23

39Ofumana ukusila kwakhe uzakulahlekelwa yikho: olahlekelwa yikusila kwakhe ngenxa yami uzakukufumana.Mat 16:25; Mark 8:35; Luka 9:24; 17:33; Joha 12:25

40Owamukela lina uyamukela mina; owamukela mina uyamukela ongithumileyo.Mark 9:37; Luka 9:48; 10:16; Joha 13:20

41Owamukela umprofethi ngoba engumprofethi, uzakuzuza umvuzo womprofethi; lowamukela olungileyo ngoba engolungileyo, uzakuzuza umvuzo wolungileyo.

42Ilowo lalowo ozakumnathisa omunye walababancinyane inkezo eyodwa nje yamanzi aqandayo, ngoba engumfundi, ngiqinisile ngithi kini: Kasoze alahlekelwa ngumvuzo wakhe.