1UAhabi wamtshela uJezebeli konke uElija ayekwenzile, lokuthi wababulala kanjani bonke abaprofethi.
2UJezebeli wathuma isithunywa kuElija esithi: Onkulunkulu bangihlanekele ngokwengezelelweyo uba ngingakubulali kuze kube kusasa, njengoba ubulele abaprofethi.
3UElija wasesesaba, wasuka wabaleka, wafika eBerisheba elakoJuda, watshiya khona inceku yakhe.
4Yena wahamba uhambo losuku enkangala, wafika wahlala ngaphansi kwesihlahla sogagu, waloyisa ukuba afe esithi: Kwanele, Nkosi, susa ukusila kwami ngoba kangingcono kulabokhokho.
5Wasecambalala phansi elala ngaphansi kwesihlahla sogagu. Isithunywa samthinta, sathi kuye: Vuka udle.
6Wasethalaza, wabona ngasekhanda lakhe iqebelengwana losiwe ematsheni atshisayo lesigxingi samanzi; wadla wanatha, wabuya walala futhi.
7Isithunywa seNkosi safika futhi ngokwesibili, samthinta sathi: Vuka udle; ngoba uhambo lwakho lude kakhulu.
8Wavuka wadla wanatha, wahamba ngamandla alokho ukudla insuku ezingamatshumi amane lobusuku obungamatshumi amane, waze wafika eHorebe intaba kaNkulunkulu.
9Wangena obhalwini khona, walala kulo. Ilizwi leNkosi lafika kuye lathi: Wenzani lapha, Elija?
10Wathi: Bengikutshisekela kakhulu, wena Nkosi, uNkulunkulu wamabandla, ngoba abantu bakoIsrayeli basephule isivumelwano sakho, badiliza amaaltare akho, babulala abaprofethi bakho; sekuyimi ngedwa engiseleyo, bayangizingela, bafuna ukungibulala.
15INkosi yathi kuye: Buyela ngendlela yakho uye enkangala yaseDamaseko; lapho usufikile khona ugcobe uHazayeli abe yinkosi yaseSiriya,Ukubizwa kukaElisha
19UElija wasesuka lapho, wafica uElisha indodana kaShafati elima ngenkabi ezazibotshelwe emajogweni alitshumi lambili, yena ekwezazingemuva. UElija wadlula eceleni kwakhe, waphosela ingubo yakhe phezu kwakhe.
20Yena wasetshiya izinkabi, wagijimela kuElija wathi: Ake ngiyevalelisa ubaba lomama, besengikulandela. Yena wathi: Buyela, ngoba ngenzeni kuwe na?
21Wasebuyela, wathatha inkabi zakhe ezimbili, wazihlaba, wabasa ngamajogwe umlilo wokupheka inyama yazo, wayinika abantu, bayidla. Wasesuka elandela uElija, waba yinceku yakhe.
Who We AreWhat We EelieveWhat We Do
2025 by iamachristian.org,Inc All rights reserved.
