Hubo 123 - Ndebele Bible (iBhayibhili Elingcwele) 1978

Umkhuleko wokucela isihawu

1Ngiyaphakamisela kuwe amehlo ami,

wena ohlezi esihlalweni sobukhosi phezulu.

2Khangela, njengalokhu amehlo ezinceku ekhangela esandleni senkosi yazo,

lamehlo encekukazi ekhangela esandleni senkosikazi yayo,

ngokunjalo amehlo ethu akhangela eNkosini uNkulunkulu wethu,

ukuze ibe lesihawu kithi.

3Woba lesihawu kithi, Nkosi, woba lesihawu kithi,

ngoba sesidiniwe kakhulu yikudelelwa.

4Sesikhathele kakhulu yikukloloda kwabo abonwabileyo

layikudelela kwabazigqajayo.