Hubo 38 - Ndebele Bible (iBhayibhili Elingcwele) 1978

Umkhuleko wohluphekayo

1Nkosi, ungangikhalimeli ngentukuthelo yakho,

ungangitshayi ngolaka lwakho.

2Ngoba imitshoko yakho ihlabe yatshona kimi,

lesandla sakho sicindezele nzima phezu kwami.

3Kakukho ukuphila emzimbeni wami ngenxa yentukuthelo yakho;

kayikho impilo emathanjeni ami ngenxa yesono sami.

4Ngoba iziphambeko zami zimbomboze ikhanda lami,

ziyangisinda njengomthwalo onzima.

5Izilonda zami ziyanuka, ziphiqika ubomvu,

ngenxa yobuthutha bami;

6ngigungubele, ngawiselwa phansi,

usuku lonke ngihamba ngilila.

7Ngoba ukhalo lwami luyatshotshozela kakhulu,

kakukho ukuphila emzimbeni wami.

8Ngibuthakathaka ngilimele kakhulu,

ngiyakhala ngenxa yokukhathazeka kwenhliziyo yami.

9Nkosi, ukufisa kwami konke kuyaziwa nguwe,

lokububula kwami kakufihlakalanga kuwe.

10Inhliziyo yami iyatshaya, amandla ami ayaphela;

lokukhanya kwamehlo ami sekufiphele.

11Abangane bami labanakwethu bema khatshana lokuhlupheka kwami,

labakwethu bema khatshana lami.

12Labo abazingela ukuphila kwami bayangithiya,

labo abafuna ukungilimaza bakhuluma okubi,

becabanga inkohliso usuku lonke.

13Kodwa mina nginjengesacuthe, kangizwa,

nginjengesimungulu, kangikhulumi.

14Yebo, nginjengomuntu ongezwayo,

okungekho ukuphikisa emlonyeni wakhe.

15Kodwa mina, Nkosi, ngithemba wena;

nguwe, Nkosi Nkulunkulu wami, ozakungiphendula.

16Ngoba ngakhuleka ngathi: Ungabavumeli ukuba bathokoze ngami,

abazincoma ngami lapho unyawo lwami lutshelela.

17Ngoba sengiseduze lokuwa,

lobuhlungu bami buphezu kwami izikhathi zonke.

18Ngiyavuma ukona kwami,

ngiyadabuka ngesono sami.

19Abayizitha zami ngaphandle kwecala balamandla,

abangizondayo ngeze banengi.

20Abangiphindisela okuhle ngokubi bamelene lami,

ngoba ngenza okulungileyo.

21Ungangitshiyi, Nkosi;

Nkulunkulu wami, ungabi khatshana lami.

22Phangisa ungisize, Nkosi yokukhululwa kwami.