1Ngomnyaka wesine wenkosi uDariyu ilizwi leNkosi lafika kuZekariya ngosuku lwesine lwenyanga yesificamunwemunye ethiwa nguKisile vi.
2Abantu baseBetheli babethume oSharezeri loRegemeleki labantu babo ukucela umusa eNkosini,
3lokubuza abapristi bendlu yeNkosi yamabandla labaprofethi ukuthi: Sizalilela ithempeli, sizile ukudla enyangeni yesihlanu njengokwenza kwethu iminyaka yonke na?
4Laselifika kimi ilizwi leNkosi yamabandla lisithi:
5Tshono ebantwini bonke belizwe lakubapristi uthi: Ekuzileni kwenu ukudla lasekulileni kwenu enyangeni yesihlanu lasenyangeni yesikhombisa, kule iminyaka engamatshumi ayisikhombisa, lalizilela mina ukudla na?
6Nxa lisidla linatha, kalizidleli lizinathele lina na?
7Nxa iJerusalema lalisakhiwe liphumelele, lemizi yalo yonke ilihangile, leNegebi leShefela kwakhiwe kuzo, la ayengesiwo amazwi iNkosi eyawatshumayela ngabaprofethi bakuqala na?
Abantu bathunjwa ngenxa yokungalaleli kwabo8Ilizwi leNkosi lafika kuZekariya lisithi:
9INkosi yamabandla ithi: Yehlulelani ngokufaneleyo lenze umusa lesihawu kubafowenu,
10lingacindezeli umfelwakazi lentandane lowezizweni lomyanga, kungabi khona loyedwa wenu owenza amacebo amabi enhliziyweni yakhe ngomfowabo.
11Kodwa bona bala ukulalela, baqinisa amakhanda abo, bavimba indlebe zabo ukuze bangezwa.
12Benza inhliziyo zabo zaba lukhuni njengendayimana, funa bezwe ukulaya lamazwi iNkosi yamabandla ebathumele wona ngomoya wayo ngabaprofethi bakugala. Lokhuke kwayithukuthelisa kakhulu iNkosi yamabandla.
13INkosi yamabandla yathi: Njengoba ngababiza, kabaze bezwa, labo babiza, lami kangaze ngezwa.
14Ngabachithachitha phakathi kwezizwe zonke ababekade bengazazi. Ngakho ilizwe abalitshiyayo lachitheka, kakusadabulanga muntu kulo, lelizwe elihle laba yinkangala.
Who We AreWhat We EelieveWhat We Do
2025 by iamachristian.org,Inc All rights reserved.
