1Impukane ezifileyo zenza amagcobo omthaki ukuba anuke kubi; ngokunjalo ubuthutha obuncinyane nje bungachitha ukuhlakanipha lodumo.
2Inhliziyo yohlakaniphileyo imdonsela kokulungileyo, kodwa inhliziyo yesithutha isidonsela kokubi.
3Lapho isithutha sihamba emgwaqweni kasilangqondo, sitshengisa bonke ukuthi siyisithutha.
4Uba umbusi ekuthukuthelela, ungasuki endaweni yakho, ukuthobeka kuyalungisa iziphambeko ezinkulu.
5Bukhona ububi esengibubonile ngaphansi kwelanga, iphutha elenziwa kanengi ngababusi;
6ngibonile ubuphukuphuku buphakanyiswa, lonothileyo ehlaliswa endaweni ephansi;
7ngibonile lezigqili zigade amabhiza, izikhulu zihamba ngenyawo njengezigqili.
8Lowo omba umgodi uzawela kuwo; lodiliza umthangala uzalunywa yinyoka.Hubo 7:15; Zaga 26:27
9Omba amatshe ayamlimaza; lobanda izigodo usengozini yazo.
10Uba ihloka libuthundu lingalolwa, umuntu uyavinyelela ngamandla; kodwa ukuhlakanipha kuyamsiza umuntu ukuba aphumelele.
11Uba inyoka iluma ingakalunjwa, umlumbi kasasizi lutho.
12Amazwi omuntu ohlakaniphileyo amenzela umusa, kodwa ulimi lwesithutha luyasichitha.
13Siqala ngokukhuluma ubuthutha, siyecina ngokukhuluma ububi.
14Isithutha siyaphophotha nje, kanti kakulamuntu owaziyo lokho okuzakuba khona lalokho okuzakuza emva kwakhe; ngubani ongamtshela khona na?
15Ukutshikatshika kwesithutha kuyasidinisa ukuze singayazi lendlela eya emzini waso.
16Maye kuwe, wena lizwe, onkosi yakho ingumntwana lezikhulu zakho ziba ledili ekuseni!
17Ubusisiwe, wena lizwe, onkosi yakho iyindodana yezikhulu, lezikhulu zakho ziba ledili ngesikhathi esifaneleyo, ukuba zizuze amandla, zingadakwa.
18Ngobuvila uphahla luyatshona, langokungananzi indlu iyanetha.
19Ukudla kwenzelwe ukuhleka, lewayini lithokozisa ukusila; ngemali umuntu angazuza konke.
20Lasemicabangweni yakho ungayithuki inkosi, lasendlini yakho yokulala ungamthuki onothileyo; ngoba inyoni yaphezulu izathwala ilizwi lakho, lento ephaphayo ibike indaba.
Who We AreWhat We EelieveWhat We Do
2025 by iamachristian.org,Inc All rights reserved.
