1Loba ngingakhuluma ngendimi zabantu lezezithunywa, kodwa uba ngingelalo uthando, ngiyisigubhu esikhalayo lensimbi encencethayo.
2Loba ngingaba lamandla okutshumayela, ngiqedisisa imfihlakalo zonke lokwazi konke, loba ngingaba lokukholwa konke kokuba ngisuse intaba, kodwa uba ngingelalo uthando, kangisilutho.Mat 17:20; 21:21; Mark 11:23
3Loba nginganika abayanga konke engilakho, loba nginganikela umzimba wami ukuba utshiswe, kodwa uba ngingelalo uthando, kakungisizi ngalutho.
4Uthando luyabekezela, lulobubele; uthando kalulamona, kaluzincomi, kaluzikhukhumezi;
5uthando kaluziphathi ngokungafanelanga; kaluzifuneli okwalo, kalucunuki, kalulazikhwili;
6kaluthokozi ngokungalunganga, kodwa luthokoza ngeqiniso.
7Uthando lubekezelela izinto zonke, lukholwa izinto zonke, luthemba izinto zonke, lukhuthazelela izinto zonke.
8Uthando kalusoze lwaphela; kodwa uba kukhona ukutshumayela, kuzakudlula; uba kukhona ukukhuluma ngendimi, kuzakuphela; uba kukhona ukwazi, kuzakudlula.
9Ngoba ukwazi kwethu kakuphelelanga, lokutshumayela kwethu kakuphelelanga;
10kodwa lapho sekufikile okupheleleyo, okungaphelelanga kuzakudlula.
11Lapho ngisengumntwana, ngakhulumisa okomntwana, ngaqedisisa okomntwana, nganakanisa okomntwana; kuthe sengiyindoda, ngalahla izinto zobuntwana.
12Khathesi sibona esibukweni kaluvivi; kodwake lapho ubuso buzakubonana lobuso. Khathesi ngazi ingxenye; kodwa lapho ngizakwazi ngokupheleleyo, njengokuba kade ngisaziwa ngokupheleleyo nguNkulunkulu.
13Kumike ukukholwa, lokuthemba, lothando, lokhu kokuthathu; kodwa okukhulu kulokhu luthando.
Who We AreWhat We EelieveWhat We Do
2025 by iamachristian.org,Inc All rights reserved.
